Emakumeen borrokarako unea ez da amaitu: emakume* izatearen ondoriozko desberdintasunek eta diskriminazioek irauten dutelako. Horren adibide dira:

•     astean 20 ordu baino gehiago ematen ditugula zaintza-lanetan, baina, konparaketan % 30 gutxiago kobratzen dugula;
•    soldata-arrakalak eta zaintza-lanak ikusezin jarraitzen dutela; etxeko langileak egoera erabat prekarioan eta ikusezinean daudela;
•       menderatze-sistema iraunarazten duen indarkeria matxistak jarraitzen duela.

Hau guztia dela eta, feminismoak arazoaren errora joatearen alde egiten du, eta beti, kolektiboan.

 Luzea da martxoaren 8an eta eguneroko borroka feministan batzen gaituen aldarrikapenen zerrenda: pentsio duinen aldeko eskaera, indarkeria matxista mota guztiak desagerraraztea, politika arrazistekin eta diskriminazioarekin amaitzea, emakumeen parte-hartze ekonomiko, sozial, politiko eta kulturalerako baldintzak eta aukerak eraikitzea tokiko bizitzako baldintza guztietan, sektore feminizatuetako prekarietatearekin amaitzea, bizitza ahalbidetzen duten emakumeen gain dagoen zaintzaren aitorpen sozial eta ekonomikoa. Bizitza erdigunean jartzea eta bizitza eredu erantzukide berri bat proposatzen dugu.

Honengatik guztiagatik, Arabako Errioxa parekideago, feministago eta bidezkoago baten alde egiten duten pertsona guztiak martxoaren 8 honetan Lapuebla de Labarkan antolatutako eskualdeko mobilizazioan eta egun horietarako gure udalerrietan egingo diren hainbat programa-jardueratan parte hartzera gonbidatu nahi ditugu.

Guardia-Arabako Errioxako eta Arabako Mendialdeko Kuadrillek mendi-ibilaldi bat antolatuko dute martxoaren 29an, GR38, Ardoaren eta Arrainaren Ibilbidea izenekoaren bidez, bi eskualdeak Lagran eta Laguardia artean lotuko dituena. Joan den azaroko hitzorduaren arrakasta ikusita, esperientzia errepikatuko dute bi eskualdeek, ibilbidea alderantzizko norabidean eginez. 11 kilometroko ibilbidea da, zailtasun ertain-baxukoa, eta bertako biztanleek historikoki mantendu izan dituzten loturak estutu nahi dituzte.

Mendizalearentzat proposamen erakargarria da, 11 kilometroko ibilbidea, udaberriko bi paisaia ezberdin baina eder ikusteko aukera emango diona. Arabako Errioxako mahasti mediterraneoak neguko letargiaren ondoren esnatzen arituko dira, Mendialdeko baso atlantikoak bezalaxe. Guardiara iristean, parte-hartzaileek Erdi Aroko hirigunetik paseatzeko aukera izango dute, eta hala nahi izanez gero, Guardiara bisita gidatua egiteko aukera izango dute, autobusak abiapuntura itzuli aurretik. Izena ematerakoan eskatu behar dira zerbitzu horiek.

Ibilbideak 455 metroko goranzko eta 615 metroko beheranzko desnibela du.

Izen-emateak martxoaren 26ra arte egongo dira zabalik, telefonoz, astelehenetik ostiralera, goizetan, 945 600252 eta 945 405424 zenbakietan, edo whatsapp bidez, 659 462 631 telefonoan.

KARTEL__GR38 20203.37 MB

Guardia-Arabako Errioxako Kuadrillak, Lanbiderekin elkarlanean, negozio bat abian jartzeko ekimena duten langabetuei zuzendutako laguntza batzuk eskatu ditu. 

Ondorengo bi ekintzaile motak hartuko dira kontuan: 

1) Garatzen lagunduko zaien negozio edo enpresa baterako ideia izan dezaketen balizko ekintzaileak. 

2) Negozio-ideia argia duten ekintzaileak, behin bideragarritasun plana egina, eta ekonomia-jardueren gaineko zergan altan emanda egongo direnak datozen hilabeteetan abian jartzen dutenerako. 

Laguntza teknikoaz gain, ekintzaileek diru-laguntza bat ere jasotzeko aukera izango dute.

Izena emateko azken eguna 2020ko otsailaren 17a izango da. 

Informazio gehiago: GUARDIA-ARABAKO ERRIOXAKO KUADRILLA Vitoria errepidea, 2 Laguardia Ordutegia: 08:00etatik 15:00etara Telefonoa: 945 600 252 (Alicia) Helbide elektronikoa: claguardia.alicia@ayto.araba.eus

INFORM_OSOA.pdf187.87 KB

Guardia-Arabako Errioxako Kuadrillak Gabon Jai Zoriontzuak eta 2020rako desiorik onenak opa dizkie eskualdeko herritarrei eta bisitariei

Guardia-Arabako Errioxako Kuadrillak abenduaren 9an Oionen gertatutako eraso matxistaren gaitzespen irmoa adierazi nahi du.

Gogoan izan honelako eraso sexistak gure gizarteko esparru guztietan gertatzen den egiturazko kausako indarkeria matxistaren isla argia direla. Emakumeen aurkako indarkeria emakumeen duintasunaren eta osotasun fisiko eta moralaren aurkako eraso larria da, eta, ondorioz, haien giza eskubideen urraketa larria.

Horregatik, bere erantzukizuna onartu du eta indarkeria matxista mota guztiak desagerrarazteko berdintasun-politikekin lan egiten jarraitzeko bere konpromiso politikoa berresten du.

Herritarrei inolako eraso sexistaren konplize ez izateko eta indarkeria matxistaren edozein adierazpenen aurrean jarrera aktiboa izateko eskatzen die, zigorgabetasuna eta zero tolerantzia erakutsiz. Guztion ardura da, gure eragin-esparruetatik indarkeria desagerrarazteko borroka egitea, denoi eragiten digun gizarte-arazoa baita.

Elkartasuna adierazten dio biktimari eta gertueneko inguruneari, eta babesa eta hurbiltasuna eskaintzen die.

Elkarretaratze isila deitu du astearte honetarako, abenduak 10, 12:00etan Oiongo Udaletxearen aurrean, eta herritarrak animatzen ditu bat egitera bertan parte hartuz, bai eta hainbat elkartek antolatutako beste ekitaldi batzuetan parte hartzera ere.

Euskararen Nazioarteko Eguna abenduaren 3an izango da. Data horren inguruan Laguardiako Udala eta Kuadrilla elkarlanean ari gara azaroaren 30 honetan eguna behar bezala ospatzeko. Egitarauan, badugu poteo girotua bazkari herrikoiaren aurretik, umeentzako jolasak, euskaraz irakurtzearekin lotutako sari banaketa, genero ikuspegiko "Erradikalak Ginen" antzezlana, eta denontzako dantza eta musika. Izan ere, euskara ikastea oso ondo dago, baina eskolatik plazara atera behar dugu !!! erabili eta gozatu. !!! gozatzean erabili !! gozatuz erabiltzeko. !!
Aipatutako egun hori arte, goizero, eskualdeko eskola ikastola batzuetako umeak ari dira Euskarari buruzko irrati saioak egiten. Eta egunean bertan, badira ekitalditxoa antolatutako herriak: dantza-plaza eta txokolatada, filma emankizunak eta abar...
Ez animorik galdu eta irten plazara !! atera euskara plazara.. !!

Guardia-Arabako Errioxako Kuadrillak bat egin du Hondakinak Prebenitzeko Europako Astearekin, eta hitzaldiak antolatu ditu gure udalerriak hurbiltzeko ekimen honen helburura: herritarrak sentsibilizatzea hondakinen prebentzioan, birziklapenean eta materialen berrerabilpenean.

Oraingoan, Kripan, Navaridas, Eltziego eta Lantziegora iritsiko dira saioak. Hilaren 18tik 22ra, astelehenetik ostirala bitartean, Hondakinen Prebentziorako Europako Asteko jarduerak izango dira delako herrietan.

Ingurumen zerbitzuak antolatutako hitzaldietan, gure udalerrietan sortzen diren hondakinen datu errealak eta hondakin horien birziklapenaren berri emango dute.

Helburua herritarrak birziklapenaren arloan hobetu beharraz sentsibilizatzea da, eta zentzu horretan izan ditzaketen zalantzak argitzea. Bestalde, materia organikoaren konpostajean nola hasi eta proiektu horretan nola parte hartu jakiteko aholkuak eta jarraibideak ere emango dira gure herrietan. Izan ere, hitzaldiak hartzen dituzten lau herriok, edo konpostaje komunitariorako gunea dute, edo izango dute laster batean.

LANGABEZIAN ZAUDE?

NEGOZIO IDEIA BAT DUZU?

GARATU EDO ABIATZEKO LAGUNTZARIK BEHAR DUZU?

Guardia-Arabako Errioxako Kuadrillak, Lanbiderekin elkarlanean, negozio bat abian jartzeko ekimena duten langabetuei zuzendutako laguntza batzuk eskatu ditu.

Ondorengo bi ekintzaile motak hartuko dira kontuan:

Garatzen lagunduko zaien negozio edo enpresa baterako ideia izan dezaketen balizko ekintzaileak.

Negozio-ideia argia duten ekintzaileak, behin bideragarritasun plana egina, eta ekonomia-jardueren gaineko zergan altan emanda egongo direnak datozen hilabeteetan abian jartzen dutenerako. 

Laguntza teknikoaz gain, ekintzaileek diru-laguntza bat ere jasotzeko aukera izango dute.

Arabako Errioxan bizi bazara eta bertako udalerriren batean proiekturen bat garatu nahi izanez gero, Guardia-Arabako Errioxako Kuadrillan eska ditzakezu laguntza horiek.

Informazio gehiago:

GUARDIA-ARABAKO ERRIOXAKO KUADRILLA

Vitoria errepidea, 2 Laguardia

Ordutegia:

08:00etatik 15:00etara

Telefonoa: 945 600 252  (Alicia)

Helbide elektronikoa: claguardia.alicia@ayto.araba.eus

Pasa den  irailak 19an, LAIAeskola ikastaroaren inaugurazioa egin zen Arabako Errioxan, Kuadrillaren III. Berdintasun Planaren aurkezpenarekin batera. Ekitaldia Maitane Arnaiz, Kuadrillako Berdintasun teknikariaren ongietorriarekin hasi zen, laguntza eskertu zuen eta hizlariak aurkeztu zituen.

Nerea Melgosa Arabako Foru Aldundiko Berdintasun eta Giza Eskubideen zuzendariak LAIAeskola eta ikastaroaren jarduerak aurkeztu ditu 2019-2020 biztanleria osoak haietan aktiboki parte hartzera bultzatu.  Aurtengo ikasturterako antolatutako  jardueren artean aipagarriak dira  besteak beste: “La Hora Violeta” Irakurketa Feministaren Kluba , ahalduntze femeninoari heltzeko aukera emango diguten Berdinzinemarako hautatutako hainbat filmen emanaldiak,  autodefentsa feministaren tallerrak eta hitzaldiak. Argigarri izango direlakoan, LAIAeskolaren  proposamenak jasotzen dituzten eskuorriak banatu dira gure herrietan.  Ikasturtean zehar ezarri daitezkeen  berriak www.laiaeskola.eus webgunearen bidez jarraitu ditzakegu.

Jaione Almirante-k, AZ Participación aholkulariak, Kuadrillaren Berdintasunerako III. Plana aurkeztu zuen, parte hartze prozesu zabal baten bidez egindako aurreko Planaren diagnostiko eta ebaluazio prozesua azaldu zuen. Plan honen ildoan, modu kolektiboan eraikitzen ari garen LAIAEskola Planaren Jabekuntza ardatzean kokatu zuen. Plana eskuragarri duzue gure web.ean, Berdintasun Zerbitzuaren epigrafean.

“Kontukantoi”-ko Bea Egizabal aktorearen eskutik, umorearen amaitu zuen ekitaldia. Bere “Ondorioak” erabilita eguna modu inteligentean eta dibertigarrian laburbiltzen jakin zuen.

Iragan uztailaren 13an, larunbata, hainbat emakume eta gizon, heldu eta gazte elkartu ginen Bilarren, izaera feminista duen jaia ospatzeko. Arabako Errioxako III Berdintasun Topaketa izan zen, aurten eraberritua eta freskoa, Jaialdi forma hartuta, plazerra erdigunean jarrita. Berdintasun Foroak eta Berdintasun Zerbitzuak elkarlanean antolatua izan da, Bilarko Udalaren konplizitate eta laguntzarekin. Egunean zehar mahaiangurua, herri bazkaria, ipuin kontalaria, mural margoketa kolektiboa, antzerkia eta DJak izan genituen, besteak beste, hau guzti hau, ahizpatasunez josita.

Hurrengo urteko deialdian elkar ikusiko dugulakoan, egunak utzitako hainbat irudi aurkituko dituzue behean zeuen gozagarri.

Laster hiru urte izango dira Guardia-Arabako Errioxako Kuadrillako Berdintasun Zerbitzua abian jarri zenetik. Ordudanik ugariak izan dira antolatutako ekintzak, baina horrek ekintza isolatuez haratago, hainbat gauza mugiarazi ditu; berdintasun politikak garatzen hasi dira gure eskualdean emakumeen egitura feminista bat sortu berri da, Berdintasun Foroa. Berdintasun politikak eta berdintasunaren inguruko herri mugimendua aktibatzea ezinbestekoa da guztion  eskubideak bermatzeko; areago, bazterkeria eta indarkeria mota guztiak desagerrarazteko; eta herritar guztion ongizatea areagotzeko, guztion bizitzak bizigarriago egiteko.

Gure iparra hori delarik, uztailaren 13an, larunbata, Berdintasun Zerbitzuak eta Berdintasun Foroak, Arabako Errioxako III Berdintasun Topaketara gonbidatu nahi zaituztegu; emakume, gizon, heldu eta gazte. Oraingoan musikari eta aisialdiari garrantzia eman nahi izan diogu, plazerra erdigunean jarrita. Eta honako egitarau oparoa aurkeztearekin batera bertaratzera eta parte hartzera gonbidatu nahi zaituztegu herritar guztiak, emakume eta gizon, heldu eta gazte. Goizeko 11:30ean txalapartariek ongietorria emango digute bertaratutakoei Bilarko herriko plazan. Ondoren 12etan, Bilarko tabernako etxabeetan Emakumeen parte-hartze sozialaren eta ahalduntzearen inguruko mahaingurua izango dugu. Eguerdian bazkari herrikoi izango dugu, naturaz inguratuta, Uneba izeneko merenderoan eta bazkalostean Edurne Maiona Bastidako ipuin-kontalariarekin gozatzeko aukera izango dugu. Ondoren, Bilarko igerilekuen inguruan denok elkarrekin margotuko dugu murala, eta ondoren Detritus Teatrus konpainiaren “Sofocos” antzezlana ikusteko aukera izango dugu. Amaitzeko, DJ Tarantistak-ekin egun hau dantzan agurtuko dugu.

Izena ematea: 12€, bazkaria eta afaria barne. Zenbaki honetara whatsappa idatzita: 655 848 112. Edo esteka honetako galdetegia beteta:

http://www.laiaeskola.eus/inskripzioa/?actividad=BILAR-%20%20Arabako%20%20Errioxako%20%20III.%20%20Berdintasun%20%20Topaketa

Uda honetan Samaniegon, Mañuetan eta Eskuernagan izango dira Gaurdia Arabako Errioxako Kuadillaren jolas txokoak.

Etxeko txikiek jarduera honetaz gozatzeko aukera izango dute uztaileko lehen hambostaldian.

Izena emateko epea: ekainaren 28 baino lehen

Inscripción Villabuena2.50 MB

inscripción Baños2.52 MB

inscripción Samaniego2.50 MB