Kuadrillako, Moredako eta Oiongo Udaleko ordezkari zenbaiten eta publiko urriaren aurrean, Arabako Foru Aldundiak bere 2025–2029 Euskara Plana aurkeztu zuen Bazterra aretoan pasa den asteazkenean.

Plana Kuadrilletara hurbiltzea erabaki du Aldundiak oraingoan, Araban euskararen sustapenerako Plan Estrategikoa modu zabalagoan ezagutarazteko. Horregatik, Arabako Errioxako udal guztietako ordezkariak gonbidatu zituzten, baita beste erakundeetako kideak, ikastetxeetako ordezkariak, guraso elkarteak, euskalgintza eta gizarte eragileak ere. Ekitaldi atsegina egiteko asmoa zuten tokiko eragileen parte hartzea bilatuz.

Berdintasuna, Euskara eta Gobernantzako Foru Diputatua den Iñaki Gurtubaik nabarmendu zituen Arabako erabilpen datuak. Izan ere, gure kuadrillako populazioaren %43,52k ulertzen du euskara, eta 35 urtez azpikoei erreparatuta, %77,42raino igotzen da. Azken hamarkadetako bilakaera positiboa adierazteko, Gasteiz batean, ETS taldearen azkendiskoaren aurkezpena 8.000 lagunen aurrean erabat euskaraz egin izanaren adibide argia jarri zuen, hala ere, hizkuntzaren  erabilera sustatzeko gehiago egin behar dela azpimarratu zuen. Horretara dator Joseba Perez de Heredia Zuzendariak azaldu zuen eta 34 ardatz dituen plana,  diseinuan eta lanketan parte hartutako talde guztiei erreferentzia eginez. 

Saioa Aramaioko Maria Izaga eta Andoni Zabalo musikariek girotu zuten. Bukatzeko, Gazte Sortzaileen bekaren irabazle eta bertaratutako bi gazteren ikus-entzunezkoa aurkeztu zuten. 

Euskararen plan estrategikoa

25ean, Mañuetan eskualdeko topaketa egin zen indarkeria matxistaren aurka. Euri-etengabea izan arren, ehun pertsona baino gehiago bildu ginen eta elkarrekin ibili ginen 6,7 km-ko ibilbide zirkularrean, elkar zaindu, entzun eta inor atzean ez uzteko helburuarekin. Eguneko leloak — “Herri batean dena jakiten da… edo ez” — isiltasuna apurtzera eta konplizitateari aurre egitera gonbidatu gintuen.

Ibilbidearen amaieran, zuhaitz bat landatu genuen isilean eta “Hitz egiten duten harrien · A25” dinamika egin zen, non parte-hartzaileek mezuak eta irudiak margotu zituzten harrietan. Ondoren, Agurra dantzatu zen eta Eskualdeko Manifestua irakurri zen.

Amaitzeko, emozio handiz, elkarrekin abestu genuen Vivir Quintanaren “Canción sin miedo”, borroka eta itxaropen oihu indartsu gisa.

A25 Manifestua.pdf

 AZAROAK 25eko ADIERAZPENA  EMAKUMEEN AURKAKO INDARKERIA DESAGERRARAZTEKO NAZIOARTEKO EGUNA DELA ETA

Indarkeria Matxista Ezabatzeko Nazioarteko Eguna dela eta, Arabako Errioxatik, gogora ekarri nahi dugu Indarkeria matxistak beldurrezko eta lotsazko ingurunea sortzen duela, indarkeria jasaten dutenak bakartzeko eta isilarazteko joera du, eta biktimagileen zigorgabetasun-sentsazioa areagotzen du. Izan ere, sarerik ez izateagatik eta komunitatean sustraituta ez egoteagatik, egoera horiek areagotu egiten dira isolatuago egon daitezkeen emakumeen artean, besteak beste, adineko emakumeak, landa-ingurune sakabanatuetan daudenak, desgaitasuna duten emakumeak, emakume atzerritarrak eta bestelako baldintza bereizleak dituztenak.

KOMUNITATEAk beste pertsona batzuekin konektatzen gaitu, eta babes-loturak garatzea eta narratiba komunak sortzea ahalbidetzen du. Horregatik, komunitateak emakumeen aurkako indarkeria matxista prebenitzen lagun dezake, eta berdintasunean oinarritutako harreman-inguruneak sortu, diskriminazioaren eta indarkeriaren adierazpenek tokirik izan gabe.  Auzokide, lagun edo kuadrillen arteko harreman estuak goiz ohartaraz dezake indarkeria-egoera gertatzen ari dela.

Komunitate feministak, hurbiltasunetik eta sororitatetik, indarkeria jasaten ari diren emakumeak gorputzez babes ditzake, baita enpatia adierazi eta gertuko bide-laguntza ere eskaini. Halaber, jasandako indarkeria matxistari aurre egiten eta onera etortzen lagun dezake, eta egoera horietan bere erritmoak eta erabakiak errespetatu ditzake.

Tokiko komunitateak biktimen erreparazioa babes dezake. Horretarako, eragindako kaltea aitortu eta indarkeria matxista salatu dezake, eta publikoki biktimarekiko eta haren ingurukoekiko elkartasuna eta  gaitzespena adierazi.

Erantzukizun zuzena dugu, komunitateak sustatzeko non auzotarrak, taldeak eta koadrilak indarkeria matxistaren aurrean erne egongo diren, eta indarkeria matxista pairatzen dutenak hartu, integratu eta babestuko duen bizitza komunitarioa bultzatzeko. Era berean, emakumeen aurkako indarkeria matxistaren biktimentzako komunitate erreparatzaileak sustatzeko erantzukizuna dugu.

Azkenik, Emakumeen aurkako Indarkeria Desagerrarazteko Nazioarteko Eguna dela eta, Arabako Errioxako udalek gaur antolatu dituzten ekitaldietan parte hartzera animatzen zaituztegu herritarrak, eta, gogoratu, azaroaren 30ean, Mañuetan, azaroak 25 dela eta eskualdeko martxa eta topaketa bat egingo dela, emakumeen aurkako indarkeria matxista mota guztien aurrean gure gaitzespen aktiboa adierazteko.

Arabako Errioxako Kuadrillako presidenteak gezurtatu egin ditu Oiongo alkateak landare-estalkien proiektuari buruz egindako adierazpenak

Txema Elvirak Oiongo zinegotziari zorroztasun instituzionalez jokatzeko eskatzen dio, nahasterik ez sortzeko eta udal teknikarien lana errespetatzeko

2025eko azaroaren 21ean

Arabako Errioxako Kuadrillak jendaurrean argitu nahi ditu Oiongo alkateak Europako funtsekin finantzatutako landare-estalkiak edo aterpe klimatikoak instalatzeko proiektuari buruz udal aldizkari informatiboan egindako adierazpenak. Udal-ordezkariaren adierazpenek, zehaztasunik gabekoak izateaz gain, prozesuaren irudi desitxuratua ematen diete herritarrei, eta zalantzan jartzen dute ezarritako prozedura teknikoak eta

Lehenik eta behin, Kuadrillak gogorarazi du Oiongo Udalak libreki onartu zituela estalkien kokapenak udalerri barruan, proiektuaren proposamena jaso ondoren. Kokalekuak aukeratzea Udalaren erantzukizun esklusiboa izan zen, jarduera honetan parte hartu zuten gainerako herrietan bezala.

Era berean, garrantzitsua da argitzea obran erori zen estalkiak ez zuela egin diseinu-akats batengatik, Udalak bere argitalpenean oker baieztatzen duen bezala, baizik eta exekuzioan zehar egindako muntaketa-akats zehatz batek eraginda, zein berehala detektatu zuten eta enpresa arduradunak konpondu zuen kostu gehigarririk gabe. Ondorioz, estalkia aurreikusitako diseinuaren arabera berreraiki zen oso-osorik.

Prozesu horretan, Oiongo alkateak berak berariaz eskatu zuen erori ez zen eta egoera ezin hobean zegoen estalkitik proiektua jarraituta jarritako landare-lurra kentzea, eta Kuadrillak onartu egin zuen eskaera hori. Beraz, ulertezina da orain kentzea eskatu zuen landare-estalkia berriro jartzea eskatzea.

Ureztatze automatikoko sistemari dagokionez, proiektua idatzi duen teknikariaren eta obren zuzendariaren txostenaren arabera, "... onartutako kokapenetara egindako bisitan, horien ureztatze-hornidurari buruz eztabaidatu zen. Udal ordezkariaren iritzia eta instrukzioa izan zen estalkiak ureztatze sistemaz ez hornitzea... Horregatik, ez zen halako sistemarik jarri...”

Era berean, gogoratu behar da udal arkitektoak egindako obrari buruzko adostasun-txostena sinatu zuela, proiektuarekin bat zetorrela ziurtatuz. Txosten horrekin, obra jaso egin behar da, araudiak ezartzen duen bezala eta beste edozein kontratu publikotan gertatzen den bezala.

Hori dela eta, Arabako Errioxako Kuadrillak erabat gezurtatzen du udalak udal-aldizkarian emandako bertsioa, eta arduraz eta erakundeen zorroztasunez jokatzeko deia egiten dio. "Alkateari eskatzen diogu bere teknikarien lana errespeta dezala eta ez dezala nahasmenik sor ez dagoen tokian. Proiektua behar bezala gauzatuta dago, Udalak berak eskatuta birformulatuta eta udal-arkitektoak balioztatuta ", adierazi du Arabako Errioxako Kuadrillako presidente Txema Elvirak.

Eraldaketa Komunitarioko Bulegoaren (EKB) azaro eta abenduko zerbitzua. Zerbitzu honek komunitate energetikoak abiarazten laguntzen du.

Arabako Errioxako eta Arabako Mendialdeko koadrilek, Arabako Foru Aldundiaren laguntzarekin, beste irteera gidatu bat antolatu dute Ardoaren eta  Arrainaren Ibilbide historikoan zehar (GR-38). Azaroaren 16an izango da, igandea, 9:00etan.

Ibilbidea autobusez abiatuko da Lagranetik Laguardiaraino, eta bertan abiatuko da oinezko martxa. Antzina Arabako Errioxa Kantauri  itsasoarekin lotzen zuen  ibilbideak,  ardoa  eta arraina trukatzeko,  eta  udazkeneko paisaiaz  gozatzeko  ingurune natural  eta  kultural pribilegiatua eskaintzen du.

Jardueraren xehetasunak
•Data: azaroak 16, igandea
•Irteera ordua: 9:00 h
•Hasiera lekua: Lagran plaza (Laguardiarako autobusa)
•Ibilbidea: 11,1 km
•Gutxi gorabeherako iraupena: 3 ordu
•Zailtasuna: Ertaina

Nahitaezko inskripzioa
Jarduera doakoa da, baina aldez aurretik izena eman behar da.
Azken eguna: azaroaren 14a
Izen-ematea:
• 

• ➤  arabakomendialdea.eus
• ➤  riojaalavesa.eus
• ➤ Izenaematekoformularioa
• Telefonoak: 945 600 252 / 945 405 424

Araudia.pdf

Arabako Errioxako Kuadrilla Arabako Errioxako Udalerriak Edertzeko Plan bat diseinatzen ari da, Helmugako Turismo Jasangarritasunerako Planaren (PSTD) jarduera gakoetako bat. Plan hori Arabako Errioxako Kuadrillan bertan sustatzen ari gara, NextGenerationEU funtsen finantzaketarekin. 

Proiektu honen helburu nagusia da eskualde osoko espazio publikoen kalitatea, funtzionaltasuna eta estetika hobetzea. Hori definitzeko, Traza Consulting SL enpresa dugu, hirigintzan eta lurralde-antolamenduan aditua den aholkularitza-enpresa. 

Gaur egun, diagnostikoaren fasean gaude, gune bakoitzaren beharrak eta lehentasunak identifikatzeko funtsez-ko azterketa. Lan horren emaitza udalerri bakoitzerako ekintza-plan espezifiko bat izango da, eta ekintza-fitxa zehatz eta bideragarrien katalogo bat izango du. Fitxa horiek ibilbide-orri 

gisa balioko dute udalerriko kaleak, plazak eta berdeguneak hobetzeko etorkizuneko inbertsioetarako.

Diagnostiko hori ahalik eta zehatzena eta erabilgarriena izan dadin, gure udalerrien ikuspegi instituzional eta 

teknikoaz gain, funtsezkoa da herritarren ekarpena. Gure herrietako merkatariak eta biztanleak. Herritarren be-netako beharrei buruz duzuen ikuspegia eman dezakezue.

Herritarren parte-hartze hori bultzatzeko, inkesta bat egin da, eta erantzuteko eta zabaltzeko gonbita egiten dizuegu. Zuen erantzunek udalerriaren indargune, ahulgune eta lehentasunei buruzko ikuspegi baliotsua emango digute.

Esteka honen bidez sar zaitezkete inkestara:

 https://docs.google.com/forms/d/1F5GVsBHhVfrKc0YhOJrAPdVVOCjnC0qqHzNrZXX2kto/edit 

Lezak, Arabako Errioxako XXX. Mahats-bilketaren Festaren herri anfitrioiak, Oscar de Marcos aukeratu du pregoilari gisa. Jokalari ohiak, Laguardiakoa jaiotzez, “ilusio eta errespetu handiz” jaso du enkargua: “Harro nago niregan pentsatu dutelako”.

Kirolariakk harriduraz jaso zuen proposamena hasieran: “Ez nuen espero, aurten jaia Lezan izango baita eta ez nire herrian. Nire inguruan, lagunartean, familia guztiek dute nolabait ardoaren munduarekin lotura. Horregatik, oso gertutik ezagutzen dut bizi duten errealitatea eta eguneroko lana zer suposatzen duen, are gehiago bizi ditugun garai zail hauetan”, aitortu zuen futbolariak.

Lezako udal-arduradunek argi izan zuten, bere kirol ibilbidearen amaiera iragarri bezain pronto, Oscar de Marcos izan zitekeela ETS taldeko kideei lekukoa hartzeko, pregoilari aproposa. “Beti mantendu du bere herriarekin eta jatorriekin lotura estua, eta Laguardia eta Arabako Errioxa bere ibilbide profesionalak dizkion txoko guztietara eraman ditu”, azaldu zuen Ignacio Gallo alkateak.

Bestalde, Athletic Club-eko zaleen ikur bihurtutako futbolariak aitortu du ez duela inoiz jai honetan parte hartzeko aukerarik izan, bere kirol ibilbideak ez baitzion uzten, baina asko entzun duela haren inguruan. Aurten, festari buruzko aipamenak, bere esperientziarekin osatu ahal izatea espero du.

Oscarrek beti izan du jarrera diskretua zelaitik kanpo. Ez da protagonismoen zale, baina erretiratu denetik arreta bereganatu du, bai klubak eta zaleen peñek antolatutako ekitaldiengatik, bai bere herriak antolatutakoengatik. Eskualdeko festarekin lotuta, bigarren aldiz izango da protagonista: enkargua onartu ondoren eta hitzordua pentsatuz, urte batzuk lehenago, ume bat zela, bere herria Laguardia ordezkatu duela oroitu du, 1998ko Bastidako festan.

📣 Ekainak 28 – Arabako Errioxa anitza, askea eta harro

LGTBIQ+ Harrotasunaren Nazioarteko Egunean, Arabako Errioxako Kuadrillatik Berdinduren manifestuari atxikitzen gatzaizkio, pertsona guztien eskubideak, duintasuna eta askatasuna aldarrikatzeko, haien sexu-orientazioa edo genero-identitatea edo adierazpena edozein dela ere.

Gure herriak anitzak dira, eta aniztasuna errespetatu behar da, ez ukatu.
Gure herrietan harrotasunez, beldurrik gabe eta askatasunez bizitzeko eskubidea aldarrikatzen dugu.
Desberdina izatea ez da arazo bat: aberastasuna da.

🟣 Gorroto-diskurtsoen eta diskriminazioaren aurrean, ikusgarritasuna, memoria, poza eta borroka dira gure erantzuna.

🌈 Ekainaren 28 honetan, hitza hartzen dugu joandakoengatik, daudenengatik eta etorriko direnengatik.
Arabako Errioxa anitza, askea eta harro.
Eta argi dugu: oraindik bide luzea dugu egiteko.

#28J #Harrotasuna2025 #ArabakoErrioxa #AniztasunaAberastasunaDa #ArabakoErrioxakoKuadrilla #Berdindu #Harrotasuna

E28_28J_Berdinduko_Adierazpen_Instituzionala.pdf

Gure eskualdean gertatu berri den eraso sexistaren aurrean, Bastidako Udalak eta Arabako Errioxako Kuadrillak gure gaitzespen eta gaitzespen sutsua adierazi nahi dugu, baita biktimarekiko eta haren inguruarekiko dugun babesa eta hurbiltasuna ere, bere oneratze- eta konpontze-prozesuan laguntzeko behar dituen informazioa eta baliabide espezializatuak bere esku jarriz, hala nola baliabide psikologikoak, juridikoak, sanitarioak, babesekoak eta harrerakoak, bere interesei eragiten dien informazio guztia duela bermatuz.

Jakinarazi nahi dugu kasuaren berri izan eta erasoari buruzko informazioa baieztatu, kontrastatu eta zabaldu ondoren, Arabako Errioxako Koordinazio Instituzionaleko Protokoloa aktibatu dela indarkeria matxistaren biktimentzako arreta hobetzeko, bildutako informazioa baloratzeko eta biktimei eta/edo haien inguruneari arreta egokia eskaintzeko beharrezkoa den koordinazioa ziurtatzeko.

Azpimarratu nahi dugu indarkeria matxista giza eskubideen urraketa larria dela, eta lehen mailako gizarte-arazoa, indarkeria jasaten duten emakumeen eta LGTBI pertsonen duintasunaren eta osotasun fisiko eta moralaren aurka egiten duena.

Indarkeria hori ez da ekintza isolatu bat edo batzuk; gure gizartea egituratzen duten jokabide esplizituen, mezu normalizatuen eta sinbolikoen sare bat da, azken helburua emakumeen eta gizonen arteko mendekotasunari eustea eta indarrean dagoen sistema heteropatriarkalak ezarritako mugak urratzen dituen gorputzik, eredurik eta/edo portaerarik ez izatea.

Emakumeen aurkako indarkeriak erasotzaile eta biktima indibidualak ditu, baina emakumeen gaineko kontrola eta nagusitasuna iraunaraztea helburu duen egiturazko arazo baten ondorio da. Beraz, indarkeria hori ez da gertaera isolatuen edo azaldu ezin diren gertaeren ondorioa. Aitzitik, genero-aurreiritziei buruzko sozializazio iraunkor baten ondorio larriena eta muturrekoena da. Sozializazio horrek hazte-saldoa sortzen du, emakumeak desberdintasun materialeko egoeran mantentzen dituen gizarte-ordena erreproduzitu dadin, beren bizitzak bereziki prekarizatuz eta gizonekiko berdintasunean herritartzat hartzea eragotziz, beren eskubide oinarrizkoenak gauzatuz.

Ez dugu etsiko gure bizikidetza demokratikoaren oinarrien aurka doan gizarte-arazo bati erantzuteko beharrezkoak diren neurri guztiak bultzatzen jarraitzeko ahaleginean. Horretarako, besteak beste, bideak erraztu eta bultzatu behar dira, Arabako Errioxako bizilagunek emakumeen aurkako edozein eraso salatu eta modu irmoan erantzun dezaten, inoiz bakarrik senti ez daitezen; erantzukizun kolektibotzat har dezaten emakumeen errekuperazioa eta konponketa laguntzea; erasoek emakume guztiengan beldurra sortzeko duten gaitasuna sozialki mugatzea, emakumeei aurre egiteko tresnak emanez; eta erasotzaileek ulertzea beren ekintzak ez direla zigorrik gabe geratzen eta ondorioak dituztela.

Horregatik guztiagatik, Bastidako Udalak eta Arabako Errioxako Kuadrillak bat egin dute mugimendu feministak deitutako gaitzespen-ekitaldi guztiekin, eta haien babesa adierazi dute.

"Leza se VINO arriba" Mahats-bilketaren jaiaren irudi bihurtu da

Mahats-bilketaren XXX. Jaiak badu irudia. Aurten lehiaketara aurkeztutako 77 lanen artean aukeratu dute kartela. Lehen aldiz, antolakuntzak lanak formatu digitalean aurkeztearen aldeko apustua egin zuen, eta horrek biderkatu egin du aurkeztutako lanen kopurua.

Kartel irabazlea Carmen Calvar Amezagak aurkeztutako lan bakarra da. Amezaga gasteiztarra da, Guardiako ama eta Lezako aita ditu, familiak Lezan du etxea eta maiz bertaratzen da. Beraz, herria, eta bere tradizioak eta berezitasunak ondo ezagutzen ditu kartelean islatzen den bezala. "Leza se vino arriba" lelopean, zaletasunez marrazten duen irakasle honek ardoarekin topa egiten duen bikote bat aurkezten digu, horietatik herriaren laburpen grafikoa diren beste elementu batzuk sortzen dira. "Lehenago aurkeztu nintzen, jaia Navaridasen izan zenean, eta oraingoan, nire herrian izanik, neure burua aurkeztu behar nuen", azaldu zigun egileak, bertako elementu guztiei buruz galdetzean, "kartela lezatarrengatik eta lezatarrentzat egin dut, hori hasieratik neukan argi ". Hori da irudian buruhandiak, Don Cicuta, jaietako bonbillak, errepide-mugarria eta elizako dorrea topatzeko arrazoia, pertsonaiak gorantz doazela baitirudi. Aurreko edizioari keinua ere ez zaio falta, karteleko pertsonaietako bat soinean duen kamisetan. Lezako Udalak, aurtengo edizioaren antolatzaileak, bereziki baloratu du proposamen irabazlearen adierazgarritasuna, hurbiltasunez eta sormenez islatzen baititu herriko elementu ezagunenak.

Behin jaia iragartzeko irudia aukeratuta, antolatzaileek jaia prestatzen jarraitzen dute. Aurten, berrikuntza gisa, Ardo Lehiaketaren aurrerapena izango da. Lehiaketa honetan Errioxa J.D.Ka.ko ardo guztiek dute parte hartzea eta uztailaren 1era arte egongo da laginak aurkezteko aukera. Lehiaketaren fase guztiak hilabete horretan bertan garatuko dira.

Errioxa JDKa.ko XXXII. Ardo Lehiaketa

Arabako Errioxako Mahats-bilketaren Jaiaren antolatzaileek Errioxa Jatorri Deitura duten Ardoen Lehiaketaren 32. edizioa deitu dute, 2025eko Mahats-bilketa Sariak.

Aurten, lehiaketa uztailera aurreratuko da, bere kalitatea eta berezitasuna indartzeko helburuarekin. Horregatik, laginak aurkezteko epea ireki da, eta uztailaren 1era arte egongo da zabalik. Aurrerapen horri esker, saritutako urteko ardoak egoerarik onenean gozatzeko egongo dira, eta, gainera, saihestu egingo da irailean, mahats-bilketaren hasieran, Nekazaritza Ministerioak bermatutakoa eta lehiaketa bakarra den honi garrantzia kentzea.

1994an sortua, lehiaketa ospetsu hau historikoki Arabako Errioxako Mahats-bilketaren Jaiari lotuta egon da. 2025eko Mahats-bilketa Sariek jatorrizko izpirituari eusten diote: Errioxa Deitura osoan egindako ardoen kalitatearen termometro bat izatea, J.D.Ka.ko nahi duten upategien parte-hartzearekin. Izan ere, hiru azpieremuak (Arabako Errioxa, Errioxa Garaia eta Ekialdeko Errioxa) lehiatzen diren hitzordu bakarra da.

Dastatze-sistemak eta parte hartzeko arauek aurreko edizioetako ildoari jarraituko diote. Oraingo honetan, lehiaketak bederatzi kategoria izango ditu: bost ardo beltzena, hiru ardo zuriena eta bat gorriena.

Errioxa J.D.Ka.ko upategi guztietara postaz bidali diren lehiaketaren oinarrien arabera egin beharko da laginen aurkezpena.  Hemen ere kontsulta ditzakezu: Oinarriak.pdf7.71 MB

Gaur, maiatzaren 17a, LGTBIQ+fobiaren aurkako Nazioarteko Eguna da. Gure gizarteak aurrerapausoak eman ditu pertsona guztiei eskubide berberak ematen dizkieten legeak ezartzeko. Aurrerapen horiek gorabehera, LGTBIQ+ pertsona askok oraindik ere diskriminazioa, bazterketa eta indarkeria pairatzen dituzte. Azkenaldian, espazio publikoetan, bai hirietan zein landa-eremuetan, LGTBIQ+ pertsonen aurkako eraso fisikoak ugaritzen ari dira. Honek erakusten du aniztasun sexuala eta genero-aniztasuna askatasunez bizitzeko eta adierazteko eskubidea oraindik ez dela erabatekoa.

Horregatik, gaur nabarmendu nahi dugu gizarte anitz eta errespetutsu batean bizitzearen balioa, uste baitugu gure gizartearen aniztasuna errespetatua izan behar dela eta aberastasun-iturri gisa ulertua. Aniztasuna zaindu, sustatu eta babestu beharreko balioa da.

Gaur, eta egunero bezala, pertsona guztien eskubideak defendatzeko eta diskriminazioa jasaten dutenen babesa bermatzeko gure konpromisoa berresten dugu.

Arabako Errioxako Kuadrillak LGTBIQ+fobiaren aurka edozein motatako diskriminazio, bazterketa edo indarkeria-adierazpenen aurka gaudela adierazten dugu, aniztasun sexualaren edo genero-aniztasunaren ondorioz izan.
LGTBIQ+fobiarik gabeko gizarte baten alde lanean jarraitzen dugu.

2025-17-MAYO-LGTBIfobia-eus-.pdf

Arabako Errioxako Kuadrillak ondare-ibilbideen edizio berri bat bultzatu du, 2023an abian jarri zenetik eskualdeko kultura-aberastasuna modu paregabean hurbiltzen duen ekimen arrakastatsua. Helburu nagusia gutxien bisitatzen diren herrien ondare baliotsua ezagutaraztea da, Kuadrillaren eta Arabako Foru Aldundiaren laguntzarik gabe horrelako jarduerak antolatzea zaila izango litzaiekeen herri txikietako ondarea.

Erdi Aroko Araba/Álava Medievalekin elkarlanean antolatutako ibilbideek aukera paregabea eskaintzen dute herri bakoitzeko tenplu erlijiosoen, eraikin zibilen eta bestelako elementu historiko nabarmenen berezitasunak ezagutzeko.

Udaberriko programa honek sei ibilbide ezberdin ditu, eskualdeko geografia iparraldetik hegoaldera zeharkatzeko diseinatuak. Proposamen berriak eta aurreko edizioetan izandako harrera bikainagatik errepikatzen diren beste proposamen batzuk konbinatzen dira, denboran zehar Gatzaga Buradon eta Labrazako hiribildu harresituetatik Lapuebla de Labarca bezalako paisaia naturalera irekitako herrietara bidaiatzeko aukera emanez. Besteak beste, Berberanako ermita erromanikoa eta Arabako Errioxako elizarik modernoena den Barriobustokoa bisitatuko ditugu.

Lehenengo ibilbidea datorren larunbatean izango da, maiatzak 3, Labraza eta Moredako ondarera hurbilduko gaituen bisita batekin. Ibilbideetan parte hartzea doakoa da, baina aurretik izena eman behar da visitriojaalavesa.com webgunearen bidez edo 945 600 252 telefonora deituz.