Skip to main content

Albisteak

 

Agur esan diogu Luis Aguado Nuñezi

Guardlazo negroia-Arabako Errioxako Kuadrillak biziki deitoratzen du Luis Aguado Nuñez Arabako Futbol aretoko Arbitroen Elkargoko Presidentearen heriotza. 1992an hasi zenetik, Luis ezinbesteko kolaboratzailea izan da Arabako Errioxako areto-futboleko ligan; urte hauetan zehar, kirol-jarduera bultzatu eta joko garbia sustatu zuen.

Arabako Errioxak eta Alaveseko futbol-aretoak bere erreferenteetako bat galdu dute.

Arabako Errioxako "Gabonetako postal" lehiaketa

Animazio soziokulturaleko zerbitzuak gabonetako postal lehiaketa antolatu du haurrentzat, eskualdeko zentroetan bizi diren Arabako Errioxako adinekoentzat. Helburua da gabonetan gure adinekoek txikienek prestatutako postal moduko bat jasotzea. Ahal den neurrian, txartelak pertsonalizatuta bidaliko dira, aurten ere Gabonetako ilusioari eusteko.

Arabako Errioxan bizi diren 4 eta 17 urteko biztanle guztiek edo eskualdeko ikastetxe batera joaten direnek parte har dezakete hitzordu honetan.

Parte-hartzaileek postal bat egingo dute orri zuri batetik abiatuta, diseinu grafiko bat eta mezu positibo bat barne, adinekoei babesa eta maitasuna emateko.

Lanak posta elektronikoz bidaliko dira helbide honetara: claguardia.aitor@ayto.araba.eus edo postaz: Guardia-Arabako Errioxako Koadrila, Gasteizko errepidea 2, PK 01300 Laguardia

 Parte hartzeko epea abenduaren 18an amaituko da.

 

Oinarri osoak: pdfoinarriak.pdf171.87 KB

Ongietorri berriro ere, LAIAeskola!

Hona hemen 2020-2021eko LAIAeskolaren ikasturte berria! Jarduerez josita badator gainera: hitzaldiak, tailerrak, antzerkia, kontakizunak, musika…

Ikasturte hau hasita badago ere, LAIAeskolaren aurkezpena Guardiako-Arabako Errioxako Kuadrillan urriaren 22an Oiongo Bazterra Aretoan izango duzue, Angela Nzambiren eskutik, idazle, aktibista feminista eta Afroféminas elkartekide denaren eskutik.

Horretaz gain, nahi duzuen lekutatik gozatu ahal izango duzue hitzaldi hau #LAIAbirtuala espazioan eskuratu ahal izango duzuelako.

rioja alavesa laiaeskola 2021 eu 1 page 0001Urtero bezala, Irakurle Klub Feministetan parte hartzeko aurkera izango duzue: bai euskarazkoan, bai gaztelaniazkoan: lehenengoa online izango da; bigarrena, ordea, presentziala izatekotan dago, betiere neurri bereziak erabiliz.

Honen harira, aurrez aurreko jarduera guztietan segurtasun arauak bete beharko dira: oso garrantzitsua da tentuz jokatzea eta LAIAeskolan parte hartu nahi duten guztiek babesten gaituen araudiari jarraitzea. Arabako emakumeen jabekuntzarako eta Berdintasunerako eskolan oinarrizkoa da emakumeen arteko loturak ehuntzea zein mantentzea, partekatzea, sortzea eta elkarrekin ikastea. Gure asmoa argi daukagu: Arabako Errioxan Berdintasuneranzko bidean jarrai dezagula, arduraz nahiz arretaz, baita pozez zein animoz ere.

Zatozte parte hartzera!! Zuen zain egongo gara !!

"Mahats-bilketa Sariak 2020" 27. Ardo Lehiaketaren sari-banaketa

Eltziegoko Bodegas Valdelana bi lehen sarirekin nabarmendu zen

Festa urtebete atzeratu bazen ere, 27. Mahats-bilketaren Festako Errioxa Jatorri- Deitura Kalifikatua duten Ardoen Lehiaketa burutu egin zen

Aurten Lanciego-Lantziegon ospatzekoa zen Arabako Errioxako Mahats-bilketaren Festa atzeratzea erabaki zen arren, urteroko jai honekin batera doan ardo lehiaketarekin aurrera jarraitzea erabaki zen. 27. edizio honetan, 247 ardo aurkeztu dira guztira bederatzi kategoriatan. Dastaketarako bat gutxiago egon zen, izan ere, Mahasti Berezien kategoria berrian ardo bakarra aurkeztu zen, "Laderas de José Luis", Mañuetako Dominio Berzal upategikoa, eta bakarra izateagatik sariketatik kanpo geratu zen. Sari berri hau Errioxako JDKak sortu berri duen ardo atalari dagokio, oraingoz, merkatuan oso marka gutxi dituen kategoria bada ere. Gainerako 246ak honela banatu ziren: 22 Ardo Gorri, 36 Urteko Ardo Zuri, 21 Ardo Zuri Ondu, 44 Urteko Ardo Beltz, 44 Ardo Beltz Ondu, 28 Erreserbako Ardo Beltz, 10 Erreserba Handiko Ardo Beltz eta 41 Ardo Handi.

Antolatzaileak pozik agertu ziren aurkeztutako ardo-kopuruagatik eta ardo horien mailagatik, Lehiaketa antolatu duen Guardia- Arabako Errioxako Kuadrillako Presidenteak esan zuenez, “epaimahaikideen arabera, maila orokorra ikusgarria izan da eta pozik egoteko da urte zail honetan 247 ardok parte hartu izanagatik.“ 2019ko edizioan, 311 lagin aurkeztu ziren, 2018ko 280 laginen aldean. Sari banaketan, Guardian, Kuadrillaren egoitzan, Eduardo Aginaco Nekazaritzako Foru-diputatua izan zen, baita Eusko Jaurlaritzako, Vital Fundazioko eta Errioxako Kontseilu Arautzaileko ordezkariak ere. Izan ere, Erakunde horiek dira lehiaketaren garapenean laguntzen dutenak.

2019ko edizioan, 311 lagin aurkeztu ziren, 2018ko 280 laginen aldean. Sari banaketan, Guardian, Kuadrillaren egoitzan, Eduardo Aginaco Nekazaritzako foru-diputatua izan zen, Eusko Jaurlaritzako, Vital Fundazioko eta Errioxako Kontseilu Arautzaileko ordezkariez gain. Erakunde horiek lehiaketaren garapenean lagundu zuten.

Hogeita lau -atal bakoitzeko hiru- ardo sarituen zerrendari erreparatuz, gehi Urteko Ardoen artean “Mazerazio Karbonikoaren bidez eta etiketan zehazki agerian duen lehen Urteko Ardoaren aipamen berezia, Eltziegoko Bodegas Valdelana nabarmendu da aurten bi lehen sariekin, Urteko Zuria eta Zuri Ondu ardoetan. Kuzkurritako Bodega Oscar Tobíak berriz, hirutan igo behar izan zuen baina bi bigarren eta hirugarren sari bat jasotzeko. Udalerriei dagokienez, Eltziego, Cuzcurrita de Rio Tirón eta San Vicente de la Sonsierra nabarmendu ziren. Errioxako Kontseilu Arautzaileak ezarritako gida jarraituz, eta onartutako hiru zonaldeak kontuan hartuta, esan dezakegu Arabako Errioxak 15 sari irabazi dituela, bederatzi Errioxa Garaiak eta bakarra Ekialdeko Errioxak.

Azaldu bezala, 247 laginak Errioxako hiru eremuetatik iritsi ziren: Ekialdekotik (Behea), Garaiatik eta Arabako Errioxatik. Honek lehiaketa hau bakarra bihurtzen du, Deituraren benetako lehiaketa, onartutako hiru eremuetako partehartzaile dituen Errioxa Jatorri-deitura Kalifikatua duten ardoentzako besterik ez dagoelako. Finaleko dastaketarako berrogeita hamar laginak upategietatik zuzenean jaso zituzten. Azken dastatze hori Guardiako Villa Lucia Ardoaren Zentro Tematikoan burutu zen; notarioak gorde zituen haren emaitzak sariak banatu ziren arte.   

pdfSarien zerrenda      152.70 KB

 

Enpresen eta negozioen eraldaketa digitalerako ikastaroak

Guardia-Arabako Errioxako Kuadrillako enpresa txiki eta negozioetako transformazio digitalera zuzendutako ikastaro telematikoak itzuli dira

Datorren asteazkenean, irailak 9, enpresa txikien eta negozioen transformazio digitalerako ikastaroen programa itzuliko da. Guardia-Arabako Errioxako Kuadrillak, Vital Fundazioarekin lankidetzan, uztailaren amaieran abian jarri zuen ekimena, eta irailean ekingo dio berriz ere, programa osatzen duten bost ikastaro telematikoekin (webinars).

Irailaren 9tik 30era bitartean lau prestakuntza-hitzordu egingo dira online formatuan. Lehenengoa joan den uztailean egin zen, Naiara Lertxundi adituak emandako "Facebooken nola saldu" gaiarekin.

Irailaren 9an, asteazkena, 9:00etatik 11: 00etara, "Interneten ikusgarriago bihurtzeko 8 urrats" gaia jorratuko da, Mónica Carratalárekin; irailaren 16an, "Stories eta irudiak/ Instagram-en erakargarri"; irailaren 23an, " Nazioarteko merkatura iristeko SEO-a"; eta irailaren 30ean, "Baduzu online denda eta ez duzu saltzen?", Ainhoa Dendarietarekin.

Prestakuntza osatzeko, proiektu digitalean modu pertsonalizatuan gehiago sakondu dezaketen eta emaitza oso onak ematen dituzten hamar aholkularitza txiki ere eskaintzen dira. 

Asistentzia doakoa da eta izena emateko Guardia-Arabako Errioxako Koadrilako 945 600 252 telefonora deitu edo claguardia.alicia@ayto.araba.eus helbidera mezu bat bidali daiteke.

Webinar Rioja Alavesa DEF page 0001Joseba Fernándezek Guardia-Arabako Errioxako Kuadrillako Presidenteak zehazten duenez, "Eskualdeak negozio txiki asko ditu, eta, gaur egun bizi dugun egoera dela eta, covid19ko pandemiaren ondorioak jasaten ari dira: neurri handi batean, unean-unean bertan behera utzi direlako, hala nola tabernak, dendak, landa-ostatuak; edo zeharka egoera hori bizi izan duten beste batzuk, Horeca banaketa-kanala hornitzen duten upeltegiak kasu".

"Aditu askok diote krisi honetatik hobekien aterako diren enpresak digitalizatutakoak izango direla. Horregatik, gure negozio askok eraldaketa digitaleko prozesu bati ekin diote. Eraldaketa digitalaren erronka nagusia pertsonen pentsamoldea eta erakunde baten kultura eraldatzea da", gaineratu du Joseba Fernandezek. Enpresaren digitalizazio-prozesua bizkortzeko, gaitasun eta trebetasun digitalak sustatu behar dira, Arabako Errioxako Kuadrillak antolatutako eskola telematikoetan irakatsiko dira trebetasun horiek.
Horretarako, bi jarduera mota proposatu dira: bost prestakuntza-ekintza webinar formatuan, batez ere eskualdeko enpresa eta autonomoentzat, eta hamar aholkularitza zerbitzu txiki, proiektu digitalean gehiago sakontzeko balio izango dutenak eta oso emaitza onak ematen ari diren aholkularitzak.

Mikrokontsultak on line

Mikrokontsultak enpresa txiki eta ertainei, saltokiei, ekintzaileei edo estrategia digitala oso aurreratua ez duten enpresei zuzenduta daude. 10 mikro-tutoretzek 3 ordu inguruko iraupena dute. Horietan, tutore bat interesa duten enpresekin harremanetan jarriko da, haien egoera aztertzeko eta negozioaren digitalizazioa hobetzeko on line aholkularitzen bidez, Interneten duten estrategiari laguntzeko, irtenbide pertsonalizatuak eskainiz. Jarduera hori irailean egingo da.

XVII. Ardo Lehiaketa 'Mahats-bilketa sariak' 2020

 

Arabako Errioxako Mahats-Bilketaren Festaren antolatzaileek Errioxa JDKaren ardoen “Mahats-Bilketa Sariak 2020” izeneko ardo-lehiaketaren 27. edizioa deitu dute dagoeneko.


Jaialdi ospetsu hau jai-ospakizunarekin batera sortu zen, eta jaiarekin batera garatzen ari da 1994tik. Aurtengo jaia 2021eko irailera arte atzeratu dute, baina ez aurreko edizioen antzeko ezaugarriak izango dituen ardo lehiaketa. Errioxa JDKaren ardoentzako lehiaketa irekia izaten jarraitzen du, eta bertan integratzen diren hiru azpieremuetako (Arabako Errioxa, Errioxa Garaia eta Ekialdeko Errioxa) upategiei parte hartzeko aukera ematen die.

Aurten deialdiak berrikuntza bat izango du, lehiaketan parte hartuko duten ardoen kategoriak beste mota bat gehiago, hau da, 9 izango dira. Garai berrietara eta Errioxa JDKak bereizten dituen ardo-tipologietara egokituz, oraingoan, lehiaketak mahasti berezietatik datozen ardoen kategoria berri bat barne hartzen du, Kontseilu Arautzaileak sortu berri duen "Mahasti Bereziak" kategoriara egokituz. Aldaketa horren ondorioz, aurreko edizioetako 'Ardo bereziak' kategoria 'Ardo handiak/Ardo pertsonalak' izatera pasako dira.

Laginak lehiaketaren arauen arabera aurkeztuko dira, aurreko edizioen antzera, eta epea irailaren 2ra arte egongo da zabalik.

Honekin batera doazkizu kontsultarako oinarri osoak:

pdfMahats-bilketa_sariak_EUS_20203.37 MB

Kultura eta Gizarte Sustapena indartsu itzuliko da uda honetan

Arabako Errioxako Animazio Soziokulturaleko Zerbitzuak bere jarduerei ekingo die uda honetan ere, proposamen osasungarriak eta aisialdikoak eginez. 'Ibilaldi osasungarriak' martxan jarri PlayaBus 2020 page 0001ondoren, uztailaren lehen igandean naturaren aldeko ‘familia-ibilialdiak’ batuko dira, eta, ondoren, aire zabaleko ariketaz gozatzeko aukerek Senderismo eta Familia ibilaldiak Uztailak 5. page 0001Hondartza proposamena batuko dute, Kantauriko kostaldera joan-etorriak eginez. Horrela, astero, bestelako proposamen bat izango dugu. 

Proposamen horiei ohiko beste hitzordu batzuk gehitu behar zaizkie: udako zinema asteazken honetan, uztailaren 1ean, jarriko da martxan Oionen, eta dagoeneko hamar udalerrik egin dute bat programarekin. Guztira, 35 emanaldi aurreikusi dituzte, hasieran Oionen, Guardian, Eltziegon, Bastidan, Lapueblan, Bilarren, Villabuenan, Iekoran, Lantziegon eta Kripanen. Uztailean, jolas txokoak iritsiko dira Mañueta, Samaniego, Villabuena, Bilar eta Bastidara, familia bateragarri egitea erraztuz eta etxeko txikiei gozatzeko eta garatzeko espazio bat eskainiz.

cine Campeones Oyon Oion page 0001

IBILALDI OSASUNGARRIAK ARABAKO ERRIOXAN ZEHAR

Guardia-Arabako Errioxako Kuadrillako Gizartea eta Kultura Sustatzeko Zerbitzuak jarduerak antolatzeari heldu dio berriz ere, eta Arabako Errioxan ibilbide zirkular bat egiteko proposamenarekin dator. Zehazki, Moredan hasi eta amaituko den 16 kilometroko ibilbidean, partehartzailleak Barriobustora eta Labrazara hurbilduko dira, udaberriko paisaia bitxi bat deskubritzeko; izan ere, terrazetako laborantzak mahastia eta olibadia konbinatzen ditu. paseo saludable moreda euskHalaber, interes bereziko baso-eremua den Dueñaseko pinudiaz gozatzeko aukera egongo da.

Ibilaldia igande honetan, ekainaren 14an, izango da. Irteera, Moreda plazatik, 09:30etik 10:00etara izango da, pixkanaka, talde txikitan. Horrela, ibilbideko lehen zatian jende-pilaketak gertatzea saihestu nahi da. Ibilaldiaren nondik norakoak antolakuntzak zehaztuta daude, arazorik gabeko jarraipena egin ahal izateko mapa bat emango zaie parte-hartzaileei, behar besteko argibideekin.

Jarduera honetan parte hartzeko ez dago aldez aurretik izena eman beharrik, eta ez du inolako kosturik. Igandean Moredako plazara hurbildu eta Arabako Errioxako paisaiaz gozatu besterik ez da egin behar.

Mahats-bilketaren XXVII. Jaia 2021. urtera atzeratu da

ARABAKO ERRIOXAK EZ DU AMORE EMATEN, EGOKITU EGITEN DA

Lanciego- Lantziegon ospatzekoa zen Arabako Errioxako Mahats-bilketaren XXVII. Jaia 2021. urtera atzeratu da,
Hala ere, aurtengo irailaren 13a Arabako Errioxarekin hitzordu bereziko data gisa mantenduko da, hamabost udalerrietan eskualdearen sustapen-proposamenak eginez.
Ardo Lehiaketa mantentzeko lanean jarraitzen dugu.
Lantziegon ospatuko den Arabako Errioxako Mahats-bilketaren Jaia antolatzen duen batzordeak 2021eko irailera arte atzeratzea erabaki du XXVII. edizioko ekitaldi nagusiak.

Aurten, irailaren 13a aukeratua zegoen, eta eskualde honen sustatzeko eguna gisa data horri eustsiko zaio . Egun horretan hainbat jarduera proposatuko dira hamabost udalerrietan, "Egun horretan jendeak bisita gaitzan nahi dugu, baina gure herri guztietan era banatu batean", esan du Joseba Fernandez Guardia-Arabako Errioxako Kuadrillako presidenteak. Egitarau zabala eta banatua da helburua Arabako Errioxako festaz gozatu ohi duteneIMG 7838 Small 1n agendetan data mantendu ahal izateko eta gure upeltegietan talde txikietan kultur ekitaldiak eta menu bereziez gozatzen jarraitu dezaten.
Osasun-agintariek gomendioak adierazi ahala argitaratuko da 2020ko irailaren 13rako jarduera-programa, "Gure funtsa eskaintzen jarraitu nahi dugu, baina modu seguruan", Kuadrillako presidentearen hitzetan.
Talde antolatzaileak berak erabaki du Mahats-bilketaren Festako Ardo Lehiaketa aurrera ateratzea.
“Lehiaketa horretan parte hartzen duten ardoei buruz hitz egiten jarraitzea osos garrantzitsua bait da. Azken edizioan, Errioxa izendapenean onartutako hiru eremuetatik etorritako 300 ardo aurkeztu ziren. Aurten gehitzeko dago Nekazaritza Ministerioak iaz onartutako Mahasti Berezien atala.

 

GUARDIA-ARABAKO ERRIOXAKO KUADRILLAK HERRITAR GUZTIENTZAKO MASKARAK BANATUKO DITU.

Guardia-Arabako Errioxako Kuadrillak 21.000 maskara erosi ditu dagoeneko, eskualdeko herritar guztien artean banatzeko.

Duela ia hilaIMG 3952 Grandebete, eta maskarak erabiltzeko derrigortasuna ezarriko zela ikusita, erakundeak erakundearen armarriarekin serigrafiatutako maskara berrerabilgarriak enkargatzeko erabakia hartu zuen. Lehen eskaera hori egin eta egun gutxira, Vital Fundazioak Kuadrilari ekimenean laguntzeko konpromisoa jakinarazi zion, eta eskualdeko erakundeak eskaera handitzea -bigarren partida horretan bi erakundeen logotipoz- erabaki zuen. Guardia-Arabako Errioxako Kuadrillako presidenteak Vital Fundazioaren jarrera ona eta Arabako herritarrekiko konpromisoa goraipatu ditu, ez bakarrik erakutsi duen babes horrekin, baita pandemia hasi zenetik hartzen ari diren gainerako ekimen eta neurriekin ere.

Arabako Errioxarako maskarei dagokienez, Joseba Fernándezek honako hau nabarmendu zuen: "Hasieratik argi genuen Kuadrillaren neurriek herritar guztiengana iritsi behar zutela, eta, maskarak nahitaez erabili behar zirenez, eredu berrerabilgarri eta garbigarri baten alde egin genuen, herritarrek haien erabilera ahal den neurrian luzatzeko". Horiek banatzeko, udalei laguntza eskatu diegu, eurek arduratu daitezen Arabako Errioxan erroldatutako pertsona guztien artean banatzeaz. Gure populazioa 11.500 biztanle ingurukoa denez lehenengo banaketaren ondoren erabakiko da zer egin geratzen den materialarekin."Lehenik eta behin, bizilagunak ez dira maskararik gabe geratuko". Bi neurritan enkargatu dira maskarak, batzuk helduentzat eta beste batzuk haurrentzat, eta datozen egunetan herritar guztiei iritsiko zaizkie banakako ontzietan, erabiltzeko, garbitzeko eta kontserbatzeko jarraibideez, hala nola ezaugarrien zehaztapenez.

 

Honekin batera doaz maskaren ezaugarriei buruzko dokumentuak

pdfCERTIFICADO_MASCARILLAS695.93 KB

pdfFICHA_MASCARILLAS5.28 MB

pdfLUANVI_-_HOMOLOGACIÓN_UNE_00651.23 MB

SENTIPENAK ASKATU FESTIBALA

SENTIPENAK ASKATU FESTIBALA aurkeztu nahi dizuegu, maiatzaren 17a- LGTBIfobiaren aurkako eguna- eta ekainaren 28a- LGTBI+ harrotasun eguna- lotzen dituen LAIA Plazara ekimenaren iniziatiba berria, Arabako Kuadrilletako Berdintasun Zerbitzuen Sarea eta Arabako Foru Aldundiaren lankidetzan sortua. Festibal honetan Yogurinha Borovaren Sentipenak Askatu abestia oinarri hartuta bideo laburren lehiaketa txikia antolatu dugu. Gehienez minutu bateko bideoetan dantzatu, abestu, tik-tok erabili, playbacka egin... edozer egin daiteke. Ondoren laiaplazara@laiaeskola.eus helbidera bidal daiteke edo Watsapp edo Telegram bidez 600 77 11 83 telefonora. Gogoratu guraso edo tutoreak haurren baimena ere bete eta bidali beharko dutela (atxikita doa dokumentau).

Informazio osoa aurki dezakezue: http://www.laiaplazara.eus/aurkezpena/laiartea/sentipenakaskatuzfestibala

Zer da Sentipenak Askatu Festibala? Maiatzaren 17, LGTBIfobiaren aurkako eguna eta ekainak 28 LGTBI harrotasun eguna batzen duen kanpaina da.
*Nola parte hartu? Yogurinha Borovaren Sentipenak Askatu abestia oinarri hartuta grabatu bideo labur bat, gehienez minutu batekoa,. Bideoan, dantzatu, abestu, playbacka,
tik tok erabili... edo bururatzen zaizuna egin dezakezu, irudimena askatu!
*Nora bidali? Bidal iezaguzu bideoa laburra eta haurrak badaude- gurasoen edo tutorearen baimena- laiaplazara@laiaeskola.eus helbidera edo WhatsApp edo Telegram bidez: 600771183 telefonora, ekainaren 23ra arte.

pdf17Mayo20_adierazpena_cove

OSTEGUN EKINTZAILEAK berria

 

HAZIK zure beharrei erantzuna ematen jarraitu nahian eta gure etxeetatik ON LINE zerbitzu berri hau martxan jarri du. Ostegunero dohako 2 orduko formazio berri honetara gonbidatzen zaitugu.

Zuzeneko formazio emanaldiaz gain FORO ireki batean parte hartzeko, ON LINE noski, eta irakasleen aholkuak zein argibideak zuzenean jasotzeko aukera izango duzue ere. Formazio Saioa, landa eremuko esperientzia bat ezagutzeko aukerarekin borobilduko dugu, zuzenean parte hartuko duen bere protagonistaren partehartzearekin.

Zuzenekoa, bai mugikor, Tablet, ordenadoretik…jarraitzeko aukera izango duzue eta horrez gain, ondoren grabazioa ikusteko aukera izango da ere. Zure proiektua garatzen laguntzeko, adimen emozionala zein Enpresa plana hobetu eta aberasteko saioak izango dira.

Informazio gehiago eta programa osorik

MAIATZAREN 21EANOSTEGUNA ORDUTEGIA 10-12etara

"Zure plan komertzial erreza definitu eta praktikara eraman"AKEN enpresarekin

Izena emateak

Sormen-lehiaketak berrogeialdian. Parte-hartzaileak

Egungo berrogeialdia hastean, Guardia-Arabako Errioxako Kuadrillak hainbat sormen-lehiaketa jarri zituen abian, asteak igaro ahala eta jarduera pixkanaka berreskuratu ahala, lehiaketak amaitzen ari dira.

Aurkezturiko lanez goza dezazuen, hemen utziko dizkizuegu aurkezturiko kontakizunak.

Eskerrak eman nahi dizkiegu parte hartu duten guztiei.

pdfatrapadas633.94 KB

pdfCarta_a_mi_abuela_abuela_Irene

pdfConfinamiento31.89 KB

pdfConfinamiento_II27.46 KB

pdfLa pandilla uvas335.94 KB

pdfCuarentena 108.43 KB

pdfDe_mi_parte_Lu89.92 KB

pdfEl_miedo63.00 KB

pdfEl_Sindicato92.99 KB

pdfKexatu-ezinik33.11 KB

pdfLas luciérnagas53.03 KB

pdfLa_fábula_de_la_conejita_Antonia64.44 KB

pdfMientras dure la pandemia100.36 KB

pdfUn_paseo_por_el_cielo49.08 KB

pdfRelato_corto120.06 KB

pdfResistiremos79.00 KB

pdfRetazos_de_días115.18 KB

pdfSentimientos en cuarentena86.07 KB

 

Helbidea

Carretera Vitoria, 2.
Laguardia (Álava)
C.P.: 01300
Tel: 945 600 252
Fax: 945 621 065
info@cuadrillariojaalavesa.com

CUADRILLA DE LAGUARDIA RIOJA - ALAVESA / GUARDIA-ARABAKO ERRIOXAKO KUADRILLA