Albisteak

Arabako Errioxan urteko unerik itxaropentsuena heldu da, mahats-bilketa. Urtero Guardiako Ardoaren Etxeak bidalitako buletin guztien berri emango dizuegu, baita Kontseilu Arautzailetik jasotako informazioaren berri ere.

46_SAMANIEGO_06.10.21.pdf138.40 KB

45_LAGUARDIA_06.10.21.pdf137.34 KB

44_VILLABUENA_06.10.21.pdf140.85 KB

43_ELVILLAR_05.10.21.pdf139.18 KB

42_NAVARIDAS_05.10.21.pdf139.69 KB

41_LABASTIDA_05.10.21.pdf138.83 KB 

Boletín_de_Maduración_Nº_07_de_fecha_20211004.pdf223.30 KB

40_LANCIEGO_Y_VIÑASPRE_04.10.21.pdf138.84 KB

39_MOREDA__04.10.21.pdf132.95 KB

38_OYON_LASERNA_LAPUEBLA_Y_SUR_LAGUARDIA_04.10.21.pdf95.28 KB

37_BAÑOS_DE_EBRO_ELCIEGO_04.10.21.pdf95.05 KB 

36_LEZA_01.10.21.pdf131.35 KB

35_YECORA_01.10.21.pdf130.27 KB

34_BARRIOBUSTO_Y_LABRAZA_01.10.21.pdf128.39 KB

33_KRIPAN_01.10.21.pdf130.08 KB

32_SAMANIEGO_30.9.21.pdf135.87 KB

31_LAGUARDIA_30.9.21.pdf133.65 KB

30_VILLABUENA_30.9.21.pdf136.71 KB

29_ELVILLAR_29.9.21.pdf137.98 KB

28_NAVARIDAS_29.9.21.pdf134.06 KB

27_LABASTIDA_29.9.21.pdf133.36 KB

26_LANCIEGO_Y_VIÑASPRE_28.9.21.pdf137.79 KB

25_OYONMOREDA_Y_LASERNA_28.9.21.pdf137.36 KB

24_LAPUEBLA_Y_SUR_LAGUARDIA_27.9.21.pdf134.04 KB

23_ELCIEGO_27.9.21.pdf113.9 KB

22_BAÑOS_DE_EBRO_27.9.21.pdf132.97 KB

21_LEZA_24.9.21.pdf132.14 KB

 20_YECORA_24.9.21.pdf132.35 KB

19_BARRIOBUSTO_Y_LABRAZA_24.9.21.pdf131.91 KB

18_KRIPAN_24.9.21_1.pdf132.89 KB

17_SAMANIEGO_23.9.21.pdf146.90 KB

16_LAGUARDIA_23.9.21.pdf168.13 KB

15_VILLABUENA_23.9.21.pdf168.00 KB

14_ELVILLAR_22.9.21.pdf166.35 KB

13_LABASTIDA_22.9.21.pdf165.57 KB

12_NAVARIDAS_22.9.21.pdf165.61 KB

11_LANCIEGO_Y_VIÑASPRE_21.9.21.pdf188.53 KB

10_OYONMOREDA_Y_LASERNA_21.9.20.pdf186.49 KB

9_LAPUEBLA_Y_SUR_LAGUARDIA_20.9.21.pdf196.56 KB

8_ELCIEGO_20.9.21.pdf191.43 KB 

7_BAÑOS_DE_EBRO_20.9.21.pdf142.32 KB

Boletín_de_Maduración_Nº_06_de_fecha_20210927.pdf229.31 KB

Boleti_n_de_Maduracio_n_Nº_05_de_fecha_20210920.pdf231.36 KB

Control_maduracion_informe_2021_1.pdf171.48 KB

Boletín_de_Maduración_Nº_02_de_fecha_20210830.pdf149.69 KB

Boletín_de_Maduración_Nº_04_de_fecha_20210913.pdf231.92 KB

1_ZONA_BAJA_BEHEALDEA_7.9.21.pdf173.84 KB

2_ZONA_MEDIA_ERDIALDEA_8.9.21.pdf168.18 KB

3_ZONA_ALTA_GOIALDEA_9.9.21.pdf168.33 KB

4_ZONA_BAJA_BEHEALDEA_13.9.21.pdf197.02 KB

5_ZONA_MEDIA_ERDIALDEA_14.9.21.pdf165.96 KB

6_ZONA_ALTA_GOIALDEA_15.9.21.pdf175.3 KB

Datorren igandean, irailak 19, Guardia-Arabako Errioxako Kuadrillako mendi-ibilaldietako lehen proposamena egingo da.

Lehen hitzordua luzeena eta zorrotzena da. Ibilbideak 17 kilometro ditu eta Bastidako Bakearen Plazan du irteera eta helmuga. Ibilbidea goizeko 10:00etan hasiko da. 625 metroko desnibela du eta erdi-mailako zailtasuna.

Lehen pasealeku horrek Bastidatik San Ginés parkera eramango gaitu, Toloño mendilerroa zeharkatuko dugu Tabuernigako mendatetik eta Gatzaga Buradonera jaitsiko gara. Bastidara itzuli aurretik, Briñas herrira hurbilduko gara, Bastidako hirigune historikoan ibilbidea amaitzeko.

Erraz jarraitu ahal izango dugu bidea, zinta gorriz eta zuriz markatuta egongo baita; gainera, ibilbidearen hasierako informazio zehatza jasoko dugu eta bi gidari izango ditugu.

Doako irteera da, eta ez da talde-piklaketarik aurreikusten; horrela, parte-hartzaile bakoitzak bere erritmoan egin ahal izango du, eta paisaiaz eta ibilbidearen mugarriez gozatu ahal izango du.

Aldez aurretik izena eman behar da, eta irailaren 16ra arte, osteguna, egongo da horretarako epea zabalik.

Izena eman dezakezu whatsapp bidez 659 462 631 zenbakian edo claguardia.aitor@ayto.araba.eus posta elektronikoan

Irailaren 12a egun berezia izango da Lantziegon, gure eskualdeko mahats-bilketa noiz hasiko zain. Arabako Errioxako bizimoduan funtsezkoa den une berezi bat aldarrikatzeko hainbat ekitaldi antolatu dituzte herrian. Ez da gure mahats bilketaren jai maitagarri eta jendetsua izango, baina Lantziegoko ardoa protagonista izango den beste egun bat izango da. Eta jendea lasai egon dadin, hitzordu guztiek leku mugatua dute.

Ekitaldia bertako ardo batzuen dastaketekin hasiko da, Mikel Garaizabalek ardogileen laguntzarekin eskainita. Bi dastatze izango dira, beti ere izena aldez aurretik emanda, 12:00etan eta 13:00etan, Fraidearen Baratzean, eta 5 euroko kostua izango dute. Gogoratu: dastaketaz gozatu ahal izateko aldez aurretik izena eman behar da, Lantziegon bertan egin ahal izango duzu dastaketa egin baino ordubete lehenagotik. Dastatze bakoitzean 30 lagunentzako tokia egongo da eta herriko hurrengo sei upategietako ardoak dastatu eta ezagutzeko aukera ezin hobea izango dute : D Luis R, Blanco Pérez de Azpillaga, Mendieta Osaba Wines, El Mozo Wines, Lanzaga eta Ezki Wines.

Egun honetan eskualdeko folklore aberatsari ere tartea eskaini nahi diogu, horregatik eskualdeko bi dantza talderen emanaldia prestatu dugu, Lantziegoko dantza taldeak eta Guardiakoak euren dantza berezienen erakustaldia eskainiko digute Kuartel Plazan 13:30ean.

Eguna amaitzeko, Howdy Bluegrass talde donostiarrak kontzertua eskainiko du Elizaren Plazan, 19:00etan; eurekin euskal eta zelta folken eragina duten country eta bluegrass musikaz gozatzeko aukera izango dugu.

Guardia-Arabako Errioxako Kuadrillak lau pasealeku zirkular antolatu ditu udazkenerako, Arabako Errioxako hainbat udalerri eta eremutan. Bastida, Mañueta, Kripan eta Moreda izango dira Arabako Errioxako paisaia desberdinez gozatzeko aukera emango diguten ibilaldien hasiera eta amaiera guneak. Horrela, eskualdeko aberastasun naturalari arreta jarriaz, gure mahastiak gorriak eta okre koloretan margotuta azaltzen  diren garai honetan, inguru eder honetaz disfrutatzeko aukera izango dute partehartzaileek.

Ibilaldi hauetako lehena izango da  luzeena eta zorrotzena. Irailaren 19ko ibilbideak Bastidan du irteera eta helmuga. Ibilbideko 17 kilometroek Gatzaga Buradonera eramango gaituzte, Toloño mendilerroa zeharkatuz, irteera-puntura itzultzeko. Ibilbidea goizeko 10: 00etan abiatuko da. 625 metroko desnibela du eta erdi-mailako zailtasuna.

Bigarren Paseoa urriaren 24an izango da: Mañuetan izango du irteera eta helmuga, 9,6 km-tan zehar Samaniego eta Eskuernagatik igaroko da, 220 metroko desnibela izango du eta zailtasun maila "erraza" , ibilaldiaz gozatzeko aldez aurreko prestakuntzarik behar izan gabe.

Hirugarren Ibilaldia azaroaren 21ean egingo da, Kripanen hasi, Iturburura iritsiaz, Nacedero bezela ezagutzen den eremutik pasatuz, udazkenean hain ederra azaltzen den  pagadiaz gozatuz,  Kripanera itzultzeko. 8,5 kilometro izango dira, 280 metroko desnibelarekin.

Laugarrena  abenduaren 19an izango da, Moredan hasi eta amaituz, eta Labrazara hurbilduko da: 11,8 km, zailtasun aldetik erraz egiteko modukoa  eta 290 metroko desnibelarekin.

Izena emateko deitu 945 600252 telefonora, bidali whatsApp mezua 659 462631 telefonora edo bidali posta elektronikoz helbide honetara: claguardia.aitor@ayto.araba.eus. Ibilbideetan parte hartzen dutenen artean, Arabako Errioxako  produktuen loteak zozketatuko dira.

Datorren larunbatean, abuztuak 21, abiatuko da Arabako Errioxan bisitaldi antzeztuak egiteko zikloa, zehazki, Gatzaga Buradon eta Labraza izango dira topalekuak. Bertako kaleetan zehar , aktore talde batek eskualdeko Erdi Aroko historiaren eta bizitzaren hainbat une irudikatzen ditu. Ikusleak atzetik dituztela, ordu eta erdiko ikuskizun entretenigarri eta didaktikoa eskaintzen dute.

Guardia-Arabako Errioxako Kuadrillak antolatuta eta Arabako Foru Aldundiaren finantziazioarekin, zortzi emanaldiek guztiz erantzun baikorra izaten dute bisitarien aldetik, adin guztietako publikoa erakarriz, harresitutako bi herriak ezagutzeko asmoz. 

"Labrazako eta Buradon Gatzagako Bisitaldi  Antzestuek ,gure eskualdeak, Arabako Errioxak, sustatzen duen turismo eskaintza berezia suposatzen dute, aparteko  produktu erakargarria bisitarien esku jarriaz. 2008an hasi zirenetik, bisiten hasierako kupoa gainditu dute. Urteko zikloak amaitu ondoren ere, Arabako Errioxako turismo-bulegoek dei asko jasotzen dituzte bisita hauetaz galdetuz, beraz, denboraldiz denboraldi ikustaldiak hobeagotzen saiatzen gara ", adierazi du Joseba Fernández, Guardia-Arabako Errioxako Kuadrillako presidenteak.

Bisitaldi Antzestuen originaltasuna eta erakargarritasuna bi hiribildu harresituetako kale, jauregi eta plazek eskaintzen duten agertoki berezian  oinarritzen da. Ikusleek antzezlan bakoitzeko eszenetan jarraitzen diete antzezleei oinez, eta antzezpena goiz dibertigarri eta atsegina bilakatzen da herri hauetako kaleetan zehar. "Eta onena da – nabarmendu du Guardia Arabako Errioxako Kuadrillako presidenteak – adinekoek ala gazteek zein  txikienek, denek, disfrutatzen dutela. Familian edo lagunekin ikusteko ikuskizuna da, eta Arabako Errioxako beste jarduera batzuekin osa daiteke ".

Buradon Gatzagako bisitaldietarako erreserbak egiteko,  deitu Bastidako Turismo Bulegora, 945331015 telefonora. Labrazarako, Laguardiako Turismo Bulegora, telefonoa 945 600845. Bisitaldia bukatzen denean, bisitariek Arabako Errioxako upeltegiak, ondare-elementuak, harresiak edo elizak ezagutuz osa dezakete jardunaldia.Txartel bakoitzaren prezioa, 4 euro. Zortzi urtetik beherakoek,  doan egin dezakete bisita

Guardia-Arabako Errioxako Kuadrillak, udalekin lankidetzan, gure eskualdeko turismoa sustatzeko kanpaina berri bat aurkeztu du. "Arabako Errioxa ezagutzeak... saria du/Conocer Rioja Alavesa... tiene premio" lemapean pasaporte antzeko bat atera dute. Bertan Arabako Errioxako bisitariek hainbat establezimendu eta zerbitzu turistikotako zigiluak lortu behar dituzte hileroko sari-zozketeta batean parte hartzeko.

Gure turistek herri eta baliabide guztiak bisitatu ditzaten sustatzea da helburua; beraz, gutxienez eskualdeko 3 herritan kokatutako establezimenduak bisitatu beharko dituzte. Bisitatu beharreko establezimenduak lau motatakoak izan daitezke: ostatuak, jatetxeak, upategiak eta, dendak, tabernak, bista gidatuak eta bestelako baliabideak biltzen dituen laugarren mota bat.

Kanpaina uztailean jarriko da martxan eta urte amaierara arte luzatuko da. Hilero egingo da parte hartzen duten udalerriek emango dituzten sarien zozketa. Produktu edo zerbitzu sortak izango dira Arabako Errioxako udalerrietan, eta honako hauek izan daitezke: egonaldiak, otorduak, upategietara bisitak edo Arabako Errioxako ardoa. Horiei guztiei esker, sarituek Arabako Errioxako udalerrien ezagutza eta gozamena areagotu ahal izango dute.

Zalantzak argitzeko eta kontsultak egiteko, WhatsApp 659 462 631 bat prestatu dugu, baita email bat ere: conoceriojaalavesa@gmail.com Horien bidez, jasotzen den gai bakoitzari erantzun egokia emango diogu egunero.

Deskargatu hemen 1.86 MB zure pasaportea. 

Uztailaren 4an hasiko da Musika Mahasti Artean 2021 edizioa, eta uztailaren 18ra arte luzatuko da, Arabako Errioxako musika gure herrietara eramanez. Hamar emanaldik 'Musikaren koloreak' erakutsiko dituzte beste horrenbeste herritan, gayen musikatik abesbatzen errezitaletara, txalapartatik eta bandako musikatik pasatuz.

GUARDIA-ARABAKO ERRIOXAKO KUADRILLAN NEGOZIO BAT BADUZU, ERAKUSLEIHO BAT IZAN DEZAKEZU, GUZTIZ DOAKOA, EZAGUTZERA EMATEKO, SUSTATZEKO ETA ZURE SALMENTAK HANDITZEKO.

 Guardia-Arabako Errioxako Kuadrillatik jakinarazi nahi dizuegu ARABA MARKET izeneko ERAKUSLEIHO-PLATAFORMA jarriko dugula martxan.

 Arabako Foru Aldundiko Garapen Ekonomikoko eta Erronka demografikoko Sailak Arabako Kuadrillekin batera garatutako plataforma digitala da. Zure negozioa sustatzeko, Interneten ikusgarritasun handiagoa izateko eta zure salmentak handitzeko aukerak emateko aukera emango dizun baliabidea.

 Plataforma hau jendeak gure eskualdeko eta Arabako gainerako landa-eskualdeetako produktu eta zerbitzu guztiak ezagutu eta eskuratu ahal izateko pentsatuta dago. Beraz, Guardia-Arabako Errioxako Kuadrillako establezimendu profesional eta negozio txiki guztiek eman dezakezue izena plataforman.

 Gure ustez, interesgarria da izena emanda egotea; izan ere, Interneten doako erakusleiho bat izango zenuke, eta bertan, zuk nahi duzun informazioa duen orrialde pertsonalizatua izango duzu, 

 Plataforman izena emateko kanpaina irekita dago, eta www.arabamarket.eus web-orriaren bidez eman dezakezu izena, ARABA MARKET-en “EMAN IZENA” erlaitzean klik eginez eta formularioko datuak betez. Garrantzitsua da aldez aurretik igo nahi dituzun zure argazkiak, zure negozioarenak, bideoak eta abar prest izatea,. Inprimakiaren ezkerraldean, alta eman zaien establezimendu batzuen "adibideak" dituzu, eta erakusleiho-plataforman nola agertzen diren ikus dezakezu. Izena emateko prozesuan zalantzarik izanez gero, 945217210 telefonora dei dezakezu eta edozein arazo konponduko dizute.

 Bestalde, erakusleiho-plataformaren merkaturatzea aprobetxatuz eta bere sustapenerako, Arabako Foru Aldundiak deskontu-bono kanpaina bat jarriko du abian ARABA MARKETera atxikitako establezimendu jakin batzuetan (dendak oro har, tabernak, jatetxeak, gida turistikoak, farmaziak, estankoak, liburu-dendak, ile-apaindegiak, osasun-arloko profesionalak, artisauak, etab.) kontsumoa sustatzeko. Eta, www.arabamarket.eus webgunean BONO ARABA MARKET erlaitzean sakatuta, bonu-kanpaina horri buruzko informazio zehatza (noiz eta nola garatuko den, zein establezimenduk parte har dezaketen...) jasotzen da. Kanpaina honetan parte hartu nahi duten establezimenduek programa honi atxikitzea eskatu behar duzue formulario elektronikoan, ARABA MARKET plataforman alta ematen duzuenean.

Bonu kanpainari atxikitzeko epea ekainaren 15era artekoa da.

EKINTZAILEAK BABESTEKO 2021eko LAGUNTZAK

 LANGABEZIAN ZAUDE?  NEGOZIO IDEIA BAT DUZU?  GARATU EDO ABIATZEKO LAGUNTZARIK BEHAR DUZU?

Guardia-Arabako Errioxako Kuadrillak, Lanbiderekin lankidetzan, beren negozioari ekin nahi dioten langabeentzako laguntza-programa bat jarri du abian. 

Ondorengo bi ekintzaile motak hartuko dira kontuan:

1) Garatzen lagunduko zaien negozio edo enpresa baterako ideia izan dezaketen balizko ekintzaileak.

2) Negozio-ideia argia duten ekintzaileak, behin bideragarritasun plana egina, eta ekonomia-jardueren gaineko zergan altan emanda egongo direnak datozen hilabeteetan abian jartzen dutenerako.

Laguntza teknikoaz gain, ekintzaileek diru-laguntza bat ere jasotzeko aukera izango dute.

Arabako Errioxan bizi bazara eta bertako udalerriren batean proiekturen bat garatu nahi izanez gero, Guardia-Arabako Errioxako Kuadrillan eska ditzakezu laguntza horiek.

Izena emateko azken eguna 2021eko maiatzaren 18arte izango da.

Informazio gehiago: GUARDIA-ARABAKO ERRIOXAKO KUADRILLA

Vitoria errepidea, 2 Laguardia

Ordutegia: 08:00etatik 15:00etara

Telefonoa: 945 600 252 (Alicia)

IZAN-EMATE IMPRIMAKIA

Helbide elektronikoa: claguardia.alicia@ayto.araba.eus

Guardia-Arabako Errioxako Kuadrillak biziki deitoratzen du Luis Aguado Nuñez Arabako Futbol aretoko Arbitroen Elkargoko Presidentearen heriotza. 1992an hasi zenetik, Luis ezinbesteko kolaboratzailea izan da Arabako Errioxako areto-futboleko ligan; urte hauetan zehar, kirol-jarduera bultzatu eta joko garbia sustatu zuen.

Arabako Errioxak eta Alaveseko futbol-aretoak bere erreferenteetako bat galdu dute.

Animazio soziokulturaleko zerbitzuak gabonetako postal lehiaketa antolatu du haurrentzat, eskualdeko zentroetan bizi diren Arabako Errioxako adinekoentzat. Helburua da gabonetan gure adinekoek txikienek prestatutako postal moduko bat jasotzea. Ahal den neurrian, txartelak pertsonalizatuta bidaliko dira, aurten ere Gabonetako ilusioari eusteko.

Arabako Errioxan bizi diren 4 eta 17 urteko biztanle guztiek edo eskualdeko ikastetxe batera joaten direnek parte har dezakete hitzordu honetan.

Parte-hartzaileek postal bat egingo dute orri zuri batetik abiatuta, diseinu grafiko bat eta mezu positibo bat barne, adinekoei babesa eta maitasuna emateko.

Lanak posta elektronikoz bidaliko dira helbide honetara: claguardia.aitor@ayto.araba.eus edo postaz: Guardia-Arabako Errioxako Koadrila, Gasteizko errepidea 2, PK 01300 Laguardia

 Parte hartzeko epea abenduaren 18an amaituko da.

Oinarri osoak: oinarriak.pdf171.87 KB

Hona hemen 2020-2021eko LAIAeskolaren ikasturte berria! Jarduerez josita badator gainera: hitzaldiak, tailerrak, antzerkia, kontakizunak, musika…

Ikasturte hau hasita badago ere, LAIAeskolaren aurkezpena Guardiako-Arabako Errioxako Kuadrillan urriaren 22an Oiongo Bazterra Aretoan izango duzue, Angela Nzambiren eskutik, idazle, aktibista feminista eta Afroféminas elkartekide denaren eskutik.

Horretaz gain, nahi duzuen lekutatik gozatu ahal izango duzue hitzaldi hau #LAIAbirtuala espazioan eskuratu ahal izango duzuelako.

Urtero bezala, Irakurle Klub Feministetan parte hartzeko aurkera izango duzue: bai euskarazkoan, bai gaztelaniazkoan: lehenengoa online izango da; bigarrena, ordea, presentziala izatekotan dago, betiere neurri bereziak erabiliz.

Honen harira, aurrez aurreko jarduera guztietan segurtasun arauak bete beharko dira: oso garrantzitsua da tentuz jokatzea eta LAIAeskolan parte hartu nahi duten guztiek babesten gaituen araudiari jarraitzea. Arabako emakumeen jabekuntzarako eta Berdintasunerako eskolan oinarrizkoa da emakumeen arteko loturak ehuntzea zein mantentzea, partekatzea, sortzea eta elkarrekin ikastea. Gure asmoa argi daukagu: Arabako Errioxan Berdintasuneranzko bidean jarrai dezagula, arduraz nahiz arretaz, baita pozez zein animoz ere.

Zatozte parte hartzera!! Zuen zain egongo gara !!

Eltziegoko Bodegas Valdelana bi lehen sarirekin nabarmendu zen

Festa urtebete atzeratu bazen ere, 27. Mahats-bilketaren Festako Errioxa Jatorri- Deitura Kalifikatua duten Ardoen Lehiaketa burutu egin zen

Aurten Lanciego-Lantziegon ospatzekoa zen Arabako Errioxako Mahats-bilketaren Festa atzeratzea erabaki zen arren, urteroko jai honekin batera doan ardo lehiaketarekin aurrera jarraitzea erabaki zen. 27. edizio honetan, 247 ardo aurkeztu dira guztira bederatzi kategoriatan. Dastaketarako bat gutxiago egon zen, izan ere, Mahasti Berezien kategoria berrian ardo bakarra aurkeztu zen, "Laderas de José Luis", Mañuetako Dominio Berzal upategikoa, eta bakarra izateagatik sariketatik kanpo geratu zen. Sari berri hau Errioxako JDKak sortu berri duen ardo atalari dagokio, oraingoz, merkatuan oso marka gutxi dituen kategoria bada ere. Gainerako 246ak honela banatu ziren: 22 Ardo Gorri, 36 Urteko Ardo Zuri, 21 Ardo Zuri Ondu, 44 Urteko Ardo Beltz, 44 Ardo Beltz Ondu, 28 Erreserbako Ardo Beltz, 10 Erreserba Handiko Ardo Beltz eta 41 Ardo Handi.

Antolatzaileak pozik agertu ziren aurkeztutako ardo-kopuruagatik eta ardo horien mailagatik, Lehiaketa antolatu duen Guardia- Arabako Errioxako Kuadrillako Presidenteak esan zuenez, “epaimahaikideen arabera, maila orokorra ikusgarria izan da eta pozik egoteko da urte zail honetan 247 ardok parte hartu izanagatik.“ 2019ko edizioan, 311 lagin aurkeztu ziren, 2018ko 280 laginen aldean. Sari banaketan, Guardian, Kuadrillaren egoitzan, Eduardo Aginaco Nekazaritzako Foru-diputatua izan zen, baita Eusko Jaurlaritzako, Vital Fundazioko eta Errioxako Kontseilu Arautzaileko ordezkariak ere. Izan ere, Erakunde horiek dira lehiaketaren garapenean laguntzen dutenak.

2019ko edizioan, 311 lagin aurkeztu ziren, 2018ko 280 laginen aldean. Sari banaketan, Guardian, Kuadrillaren egoitzan, Eduardo Aginaco Nekazaritzako foru-diputatua izan zen, Eusko Jaurlaritzako, Vital Fundazioko eta Errioxako Kontseilu Arautzaileko ordezkariez gain. Erakunde horiek lehiaketaren garapenean lagundu zuten.

Hogeita lau -atal bakoitzeko hiru- ardo sarituen zerrendari erreparatuz, gehi Urteko Ardoen artean “Mazerazio Karbonikoaren bidez eta etiketan zehazki agerian duen lehen Urteko Ardoaren aipamen berezia, Eltziegoko Bodegas Valdelana nabarmendu da aurten bi lehen sariekin, Urteko Zuria eta Zuri Ondu ardoetan. Kuzkurritako Bodega Oscar Tobíak berriz, hirutan igo behar izan zuen baina bi bigarren eta hirugarren sari bat jasotzeko. Udalerriei dagokienez, Eltziego, Cuzcurrita de Rio Tirón eta San Vicente de la Sonsierra nabarmendu ziren. Errioxako Kontseilu Arautzaileak ezarritako gida jarraituz, eta onartutako hiru zonaldeak kontuan hartuta, esan dezakegu Arabako Errioxak 15 sari irabazi dituela, bederatzi Errioxa Garaiak eta bakarra Ekialdeko Errioxak.

Azaldu bezala, 247 laginak Errioxako hiru eremuetatik iritsi ziren: Ekialdekotik (Behea), Garaiatik eta Arabako Errioxatik. Honek lehiaketa hau bakarra bihurtzen du, Deituraren benetako lehiaketa, onartutako hiru eremuetako partehartzaile dituen Errioxa Jatorri-deitura Kalifikatua duten ardoentzako besterik ez dagoelako. Finaleko dastaketarako berrogeita hamar laginak upategietatik zuzenean jaso zituzten. Azken dastatze hori Guardiako Villa Lucia Ardoaren Zentro Tematikoan burutu zen; notarioak gorde zituen haren emaitzak sariak banatu ziren arte.   

Sarien zerrenda      152.70 KB

Guardia-Arabako Errioxako Kuadrila kirol-begiraleentzako langileen bila dabil, Arabako Errioxan aisialdiko eta denbora libreko ikastaroak emateko.

Eskaerak aurkezteko epea irailaren 21era arte dago zabalik.

Oinarri osoak134.88 KB