Albisteak

 

Quintano Bastidaren I Kongresua: ardo modernoaren aita

Quintano Bastidaren I Kongresua: ardo modernoaren aita kongresua azaroaren 30ean eta abenduaren 1ean izango da Bastidan, Manuel Quintano jauna hil zela berrehun urte igaro direlako. Izan ere, gizon honek Arabako Errioxako ezagutza enologikoak irauli egin zituen eta ardoa egiteko gaur egungo eredua jarri zuen martxan.

quintano

Sucesión y relevo generacional en bodegas y explotaciones vitícolas ( empresas familiares)

FECHAS: 28-29 de noviembre y 4 de diciembre

HORARIO: de 16:00 a 19:00 h

LUGAR: Cuadrilla de Laguardia – Rioja Alavesa

MATRICULA: 36 €

PROGRAMA:

  • 1.- Sucesión en la empresa familiar
  • 2.- Protocolo de empresa familiar
  • 3.- La mediación en la empresa familiar
  • 4.- Aspectos legales del protocolo de empresa familiar
  • 5.- Redacción de protocolo de empresa familiar

Inscripciones: · A través del siguiente enlace · Llamando al teléfono: 945 003 240 · Enviando un correo a: fpearkaute@hazi.eus (indicando nombre, apellidos, DNI, y teléfono de contacto)

Arabako Errioxako Euskararen Nazioarteko Eguna 2018 iragartzeko kartelaren lehiaketarako deia

Euskararen Nazioarteko Eguna Lantziegon abenduaren 2an ospatuko dugu.  Antolaketa dela-eta lehendabiziko ekintza,Arabako Errioxako Euskararen Nazioarteko Eguna 2018 iragartzeko kartelaren lehiaketarako deia, hain zuzen ere izango da, beraz, honen berri zabaltzeko zuen laguntza eskatzen dizuegu. Kartel lehiaketa honetan parte hartzeko edonork parte har dezake, bai ikasleak, bai edozein Arabako Errioxako lurralde baten erroldaduta dagoen hiritarrak ere kartela egiteko aukera dauka.

pdfENE_Kartel_lehiaketa_EUSK2018.pdf121.58 KB

Arabako Errioxako aisialdi ikastaroak matrikulazio epea irekita

Arabako Errioxako Kuadrillaren Animazio Sailak eskualdeko pertsona helduei zuzendutako matrikulazio kanpainia sustatu du. Kanpainia honetan Arabako Errioxako hamar herrik parte hartzen dute, hain zuzen ere: Mañueta, Barriobusto, Eltziego, Bilar, Lapuebla de Labarca, Lantziego, Leza, Samaniego, Eskuernaga eta Iekora. Herri hauetan, 21 kurtso desberdin eskaintzen dira eta hauen artean gorputz-mantentzearekin lotuta dauden eskintzak nabarmentzen dira.

Azaroaren 5eko astean 50 orduko iraupeneko Ikastaroak, hasiko dira, beraz, izen-emateak urriaren 23a baino lehen burutu beharko dira. Proposamen hauetaz gain, irailean zerbitzura heldu diren eskaetara erantzuna ematen, beste hainbat talde multzo baten izena aurretik emateko epea irekiko da ere. Ikastaro hauekin batera zenbait sortze-proposamenetako eskaintza zabaltzen da, baita bideratutako haurrentzako eta gazteentzako parte-hartzeko ekintzak ere.

Cursos de Ocio Rioja alavesa 2018 2019

Edozein ikastarotan izena emateko Guardia-Arabako Errioxako Kuadrillako kontu korrentean, KUTXBANKen egin behar duzu diru sartzea. Izena aurretik emateko 945 600 252 telefonoarekin harremanetan jarri.

Fitxategi atxikituan ikastaro, lurralde eta proposaturiko ordutegiei buruzko informazio guztia aurkituko duzu.

pdfAisialdi ikastaroak_2018-2019.pdf291.55 KB

Mintzalagun eta Gurasolagun egitasmoetan izena emateko aukera zabaldu da

Ikasturteko Mintzapraktika egitasmoak abiatu du bere bidea eta zabaldu da izena emateko epea. Interesatuek https://labur.eus/ArabakoErrioxa  formularioa bete beharko dute eta ondoren, haiekin jarriko da harremanetan dinamizatzailea.

Kartela arabar errioxa Zuz 1Mintzalagun bihurtzeko arrazoiak asko izan daitezke: ahaztutako hizkuntza freskatzea, jende berria ezagutzeko, ilobarekin hitz egiteko, beste batzuei hori guztia egiten laguntzeko… baina denek badute zerbait amankomunean: aisialdiaz euskaraz gozatzen dute eta, arian-arian, lagun giro euskalduna sortzen dute. Askok, gainera, egitasmoaren helburua bete ostean ere elkartzen jarraitzen dute.

Euskaraz aritzeko ohiturarik ez dutenak ohitura dutenekin elkartzen dituzte Mintzapraktika egitasmoek, erabileran eragiteko eta hizketarako konfiantza eta gune berriak eskaintzeko.

Bospasei laguneko taldeak izaten dira Mintzalagunak: batzuk beren hizkuntza gaitasuna hobetzen dute, hizketarako lotsa galtzen dute eta konturatzerako euskaraz aritzen dira. Besteek, berriz, inguruko euskaltzaleei euskaraz bizitzen lagunduz euskarari ekarpena egiten diote.

Parte hartzeko baldintzak dira euskaraz komunikatzeko gai izatea eta astean ordubetez elkartzeko konpromisoa hartzea. Geroz eta jende gehiago ari da bihurtzen Mintzalagun, eskatzen duena baino askoz gehiago ematen duelako bueltan esperientzia honek.

Astean ordubetek askorako ematen du, Mintzapraktikak hori ere erakutsi digu. Jende asko ordubetez euskaraz aritzeko elkartzeak euskal hiztunak ugaritzen dituela, harreman berriak sortzen dituela eta hizkuntza bat bidelagunekin batera ikasten bada, orduan indartzen dela haren erabilera.

Ikasturte berri honetan Gurasolagun taldeetan izena emateko aukera ere izango da. Honakoa gurasoei zuzenduta dago bereziki eta haurrak eskolaz kanpoko ekintzetan edota eskolan dauden bitartean elkartzen diren taldeak dira.

Informazio gehiago behar izatekotan edota zalantzak argitzeko, herritarrak harremanetan jar daitezke honako helbideetan;  aemintzalaguna@gmail.com, claguardia.lsueskun@ayto.araba.eus  edo  IKA Errioxa euskaltegia errioxa@ikaeuskaltegiak.eus

Bisitaldi Antzeztuak / Visitas teatralizadas. Labraza -2

Bisitaldi Antzeztuak / Visitas teatralizadas.

Labraza

Igande honetan zatoz Labrazara. Bere historia eta txoko berezienak modu dibertigarrian ezagutzeko aukera izango duzu antzezturiko bisitaldiei esker.

Este domingo acércate a Labraza. Conoce su historia y rincones más singulares de la manera más amena y divertida gracias a sus visitas teatralizadas.

Ez galdu aukera eta hartu zure hitzordua.

Reserva ya tu plaza

945 600845

teatralizadas Labraza 2018

 

Arabako Errioxako irakurle klub feminista

Feminismoaren kolorea bioleta da, eta ordu bioleta, berriz, iluntzearen ordua. Ordu horretan, eguna eta gaua elkar besarkatzen diren unean, emakumeen talde bat elkartu egiten gara aldez aurretik irakurritako liburu bati buruzko iritziak trukatzeko. Emakumeen kontzientzia kolektiboan sakontzeko aukera emango diguten nobelak, saiakerak, iritzi artikuluak deskubrituko ditugu.

Testu hauek modu pertsonalean eta intimoan irakurriz ikastean datza, baina baita gure hasierako inpresioa besteen ekarpenekin osatzean ere. Halaber, feminismoaren gaineko prestakuntza ere jasoko dugu, eta feminismoak gure bizitzak aberasteko moduak ikusiko ditugu.

Izen ematea irekita plazak bete arte!

Tailer birakaria:

Lehen saioa urriaren 18an izango da, osteguna, 18:00etan, Lantziegoko Gizarte Etxean. Eta hurrengo saioak hileko 3. ostegunetan Kuadrillako hainbat udaletan txandaka, izena ematen duten emakumeak nongoak diren arabera.

Liburuak udal liburutegietan utziko dira.

Ezagutzak eta jakintzak blog honetan partekatuko dira: www.lahoravioleta2.com

Koodinatzailea: Begoña Etayo Ereña. Espezialista genero berdintasunean eta garapenerako lankitedtzan. María de Maeztu Forum Feministako kidea da.

ClubdeLecErrioxa3

EUSKALTEGIETAKO MATRIKULAZIO KANPAINA

2018/2019 IKASTURTERAKO EUSKALTEGIAN IZENA EMATEKO EPEA ZABALIK!

Irailarekin batera ikasturte hasiera datorkigu, eta zalantzarik gabe, erronka berriei heltzeko garairik behinena. Gauza berriak ikasten hasteko edota ohitura onei heltzeko garaia, eta horretarako aukerak hamaika!

Erretzeari utzi, kirola egiten hasi, sukaldaritza osasungarri ikastaroa egin, argazkigintza, musika tresnaren bat jotzen ikasi, etab... Arabako Errioxako Euskara Zerbitzutik ikasturte berriarekin batera euskara ikasteari ekitea (edo beharbada jarraitzea) gomendatzen dizugu. Lanerako aukerak areagotzeaz gain, beste hainbat bizipen berri ekarriko dizkizu-eta: jende berria ezagutzeko, ordura arte ezezaguna zitzaizun eskaintza kulturalaz gozatzeko, edota mundua begiratzeko era berri bat zeureganatzeko aukera. Gainera, ziur zure inguruko euskal hiztunek eskertuko dizutela! Hasieran poliki egingo duzu, ez kezkatu, tarteka hanka sartuko duzu, baina konturatzerako gauza asko ulertuko dituzu. Agian ezingo duzu zeure burua nahi bezala adierazi, baina ez etsi, praktikatuz gero, hobetuko duzu eta: eroriz ikasten da oinez!

Gainera, azken urteotan Foru Aldundiak eta udalek eskaintzen dituzten beka-sistemaren laguntzaz, gero eta errazago izango duzu euskaltegian ikasteko gastuei aurre egitea. Honako hauek dira udal hauetako batzuk: Oion, Lantziego, Zieko, Lapuebla… galdetu zure herriko udaletxean! Ez egin zalantzarik, adi egon eta gerturatu zaitez herriz herri antolatuko diren bilera informatiboetara. Bestela euskaltegian bertan jaso ahal izango duzu informazioa.

Euskaraz ikasi, merezi du eta!

kartela.jpg

Berdintasunarekin lotutako ekintzak, iraila

Berdintasunarekin lotutako ekintzak, iraila

  • [DATA ALDAKETA] Irailak 7, ostirala, 16:00-20:00 eta irailak 8, larunbata, 10:00-14:00 "Mutilentzako Klown Desjabetzailea" Eskuernagako Kultur-Etxean.
  • Irailak 12, asteazkena, 18:00-20:00, III. Berdintasun Planaren Topaketa, Oyón-Oiongo Bazterra aretoan. 2018an zehar diseinatzen ari garen Kuadrillako Berdintasun Planaren berri izan eta hainbat dinamika parte-hartzaileren bitartez, zuen ekarpenak egin ahal izango dizkiozue.
  • Irailak 19, asteazkena, 18:00-20:00, Arabako Errioxako Berdintasun Foroaren bilera izango dugu Bastidako Kultura-Etxean.
  • Bestetik, gogorarazi nahi dizuegu Kuadrillako III Berdintasun Plana egiteko galdetegia zabaltzen ari garela herritarren artean, ahalik eta jende gehienaren iritzia jasotzeko. Galdetegia erantzuteko klikatu ondorengo esteka: https://docs.google.com/forms/d/e/1FAIpQLSc9NFGMLenoWy4RCgjiZbdBzYy82NcPqkkV7xDvW-rM-ZXNkw/viewform.

ClownEskuernaga2

Foroigualdad

Topaketak

“Mutilentzako clown desjabetzailea” tailerra – Eskuernaga

Aspalditxoan, barregarri geratzean ez dela ezer gertatzen lantzen ari gara. Tira, zertxobait gertatzen da: askapen sentimendu ikaragarria sentitzen dugu, eta aldi berean, gure inguruan bizi direnen karga soziala arintzen dugu. Barregarri geratzeko beldurra galtzea, askatasuna irabaztea da: norberena zein besteena.

Emakumeak ahaldundu daitezen gizonezkook desahaldundu behar dugu. Pixka bat.

Hobeto esanda: pixkat nahikotxo. Eta xelebreena zera da, guri ere ondo etorriko zaigula. Posible al da beti gu irabazle ateratzea?

Trebatzailea: Juanma Rodríguez, aktorea eta Zipriztintzeneko kidea, Berdintasunaren aldeko Ermuko gizon taldea.

GIZONEI ZUZENDUA

IRAILAK 1, LARUNBATA

 Clown desempoderante

Helbidea

Carretera Vitoria, 2.
Laguardia (Álava)
C.P.: 01300
Tel: 945 600 252
Fax: 945 621 065
info@cuadrillariojalavesa.com

CUADRILLA DE LAGUARDIA RIOJA - ALAVESA / GUARDIA-ARABAKO ERRIOXAKO KUADRILLA
Vital Fundación - Fundazioa