Berdintasun zerbitzua

Telefonoa: 945 600 252
Posta elektronikoa: igualdad@cuadrillariojaalavesa.com

2016an abian jarri zen Guardia-Arabako Errioxako Berdintasun Zerbitzua. Zerbitzu honen helburu behinena genero berdintasuna bultzatzea da; emakume eta gizonen arteko berdintasun formaletik haratago, aukera berdintasun erreala da gure xedea. Baita emakume-gizon binomioan sartzen ez direnentzako eta heteroarauari betetzen ez dutenentzako ere. Horretarako, herritarrekin eta berdintasun politikak garatzeko ardura duten entitateekin lan egiteko asmoa dugu.

Generoaren egiturazko izaera alboratu gabe, ikuspegi intersekzional batetik, jakitun gara gure gorputzak diskriminazio eta pribilegioek gurutzatzen dituztela: jatorriak, erlijioak, hizkuntzak, adinak, aniztasun funtzionalak, maila akademikoak, maila ekonomikoak eragindakoak, besteak beste.

Gure lanaren lan-ildo nagusiak honako hauek dira: emakumeen ahalduntzea laguntzea; indarkeria matxista desagerraraztea; aldaketa kulturalak bultzatzea gizarte erantzukide bateranzko urratsak eman ditzagun; eta gobernantza ona, erakundeek beren jardunean genero ikuspegia txertatzea, alegia.

Zerbitzua herritargo osoari zuzentzen zaio, haien beharrei erantzuteko. Hortaz, nahi duenak aprobetxatu lezake baliabide berri hau zalantzak argitu edo interesekoa duen edozein gai lantzeko. Berdintasun Zerbitzuarekin harremanetan jartzeko Kuadrillako telefonora deitu (945 600 252) edo ondorengo helbide elektronikora mezua bidali: berdintasuna@cuadrillariojaalavesa.com

GIDA_beldur_barik_2022.pdf529.29 KB